標題: [一般問題] 點解呢年油價升到發顛都冇人關注? [打印本頁]

---

作者: soccerism    時間: 2025-3-7 22:54     標題: 點解呢年油價升到發顛都冇人關注?

去年2024四月, 油價係普通油未連優惠$16.XX連稅, 但2025年3月, 係$26.XX連稅
計埋約$6燃油稅升幅係>60%,
如果唔計稅, 升幅更加係100%.
究竟發生咩事? 香港呢一年民生用品會加一倍價?

完全無傳媒講, 近呢個月更加係$2, $2咁加, 係咪發左顛, 少左人入油就向要入油既人開刀拎番失去左果份? 咁樣只會迫更加多人改渣電車, 油公司好想執笠??

---

作者: mickey1234    時間: 2025-3-7 23:45

我相信好多人都準備換電車，所以佢哋點加都冇所謂，不過仲有好多優惠都減十蚊

---

作者: jimking332    時間: 2025-3-8 00:16



我都唔知你條數點計出黎, 24年4月我連優惠白金油最低大約15.X, 25年3月最低大約17.X, 升左20%都冇

---

作者: mo9394    時間: 2025-3-8 01:23

本帖最後由 mo9394 於 2025-3-8 01:26 編輯

2014 未計優惠都唔係16.X 喎, 你有無記錯


如果計優惠, 大路係 15 左右
https://oil-price.consumer.org.hk/tc/chart

---

作者: billyyau    時間: 2025-3-8 10:18

點解要關注？
第一，而家香港大把公共交通工具，私家車不是必需品。
第二，就算要用私家車，市面上亦有大量電動車可選擇。
無論以上任何一個選擇，都係政府樂意見到的，政府不會出手阻止之餘，應該仲暗地支持。
至於油公司立場，就算減價都唔會夠電動車同港車北上入油鬥嘅時候，俾你都會盡地一煲賺得幾多得幾多先算。
之前講過，油價會不斷升，各區油站就會不斷執，而家事實正在發生。

---

作者: jimking332    時間: 2025-3-9 00:53



我同佢都講緊2024個價, 你就9唔搭8講2014.... 做咩姐你

---

作者: shingzhk    時間: 2025-3-9 02:12

本帖最後由 shingzhk 於 2025-3-9 02:24 編輯

要詳細資料可以睇呢度:
【2024香港油價】分析香港油價貴絕全球成因
https://kwiksure.com/zh/article/hong-kong-petrol-price-factor/

至於關注...可以點關? 最多咪有D人北上入油囉
先唔提謀取暴利呢點, 淨係合謀定價都咬佢唔入已經知政府取態
然後最神奇既係唔知點解總會有人出來同油公司講說話

BTW, $16.xx標價未扣優惠, 以我記憶應該係2021年頭左右
2024年冇可能標呢個價
當時計到盡優惠好似做到$5左右, 即係實收$11.xx
而家$26.x大約優惠$7左右, 實收$19.xx,  四年加左8蚊   well~
相比起牛肉乾帶來既生態災難, 根本不值一提

---

作者: mo9394    時間: 2025-3-9 02:15

本帖最後由 mo9394 於 2025-3-9 02:25 編輯


我唔係RE 緊你, 我無理你係唔係講緊2024

我講我完全無印象幾耐之前先有"$16.XX連稅"了, 我印象中16.x 係 2014 個價位. 之後油公司都係玩會員咭/信用咭入油減幾多 2.x  3.x之類. 實際入油價係 15 16 左右, 但面價應該唔係好耐

(https://www.hongkongcard.com/blogs/%E8%87%AA%E5%83%B9-2014-11-06  對比起7月份時，普通汽油及特級汽油價錢分別是$17.38及$18.42，下降至現時$16.34及$17.38，減幅約6%)

---

作者: java2    時間: 2025-3-9 19:22

入油點算係民生用品? 財赤應再抽多D稅

---

作者: mickey1234    時間: 2025-3-9 19:45




    所有野都需要運輸，油唔係必需品？你叫加油税，無問題，下次你買每一次商品都必加價

---

作者: ckkong97    時間: 2025-3-9 19:50


大部份貨車都係柴油係無稅的

via HKEPC Reader for Android

---

作者: mickey1234    時間: 2025-3-9 19:55




咁就要加到同電油睇齊，haha
汽油（無鉛汽油）, $6.06 ; 4. 輕質柴油, $2.89 ; 5. 超低含硫量柴油, $2.89 ; 6. 歐盟V期柴油, $0.00

---

作者: java2    時間: 2025-3-9 20:01

樓主話迫更加多人改渣電車, 即唔係講緊商業車, 柴油稅可以唔加.

---

作者: tomming    時間: 2025-3-10 16:22

回覆 7# shingzhk

---

作者: red666devil    時間: 2025-3-10 16:50

諗緊暑假前入手電車，除tesla/日系/韓系，有冇推薦?

---

作者: dominicyu    時間: 2025-3-10 17:41

回覆 15# red666devil


差歐系同中系

---

作者: billyyau    時間: 2025-3-10 18:29




咁即係得返歐洲車同內地車。
要咩車型？

---

作者: antonyhk    時間: 2025-3-10 18:30

本帖最後由 antonyhk 於 2025-3-10 18:33 編輯

根本電車只係慳油唔慳錢，慳咗既油錢係車價已洗咗或供咗，仲要保險費及車胎貴咗，最重要係折舊大好多，用多幾年想易手要好低價才有人買

仲有揸電車真係求神拜佛唔好有意外，唔係只可返原廠維修，條數勁甘

一年揸得嗰1萬公里，真係繼續用油車仲化算

講番樓主正題，香港油價升，可以點關注？示威？投訴？一係繼續入油，一係北上入油，一係轉電車，或者賣車轉坐公共交通工具，別無選擇

---

作者: billyyau    時間: 2025-3-10 19:19




又係一啲無知嘅說法。
攞一啲油電共用嘅車款比較就知道，簡單啲用平治EQA同GLA比較，香港GLA 200（2023車）賣緊$436000，EQA 250有齊AMG line option賣$399000，保險網上價格全保GLA$12000，EQA$9200，然後牌費同保養費一律EQA平一截。
二手折舊，比較返同年份2021嘅EQA同GLA，28 car大家都係相同廿二萬左右，但唔好忘記當年新車價GLA係貴過EQA，即係話GLA折舊比EQA更大。
就算一年揸一萬公里，你點樣計到油車平啲？

請問你以上嘅言論，係根據咩事實得出嚟呢？

---

作者: asasas999    時間: 2025-3-10 19:35

關注有咩用
河馬夠多人關注,有用咩?

---

作者: antonyhk    時間: 2025-3-10 20:18



首先，先唔講你攞油電共用既GLA/EQA來比 (因為而家都無咩人買)，油車可選擇只買第3保平好多。

至於全保及三保價差，唔知你個quote點搵，但根據kilowatt做既比較：

"以電動車Tesla Model Y vs 燃油車Mercedes-Benz A200為例，投保人資料相同、投保額相約(HK$350,000)、包含60%無索償折扣率(NCD)情況下，電動車三保是燃油車三保約2.7-4.2倍；電動車全保是燃油車全保約1.6-1.9倍。"

https://www.kilowatt.hk/news/530 ... %af%94%e8%bc%832023

即係普遍電車保險比油車貴係事實。

再比較二手折舊，電車除非揸2-3年就換車，唔係超過5年或以上，基於對舊電健康度既擔心，買家要見到好平才會有心買。再加上國產電車內卷嚴重，鬥減價及1-2年改款令到買咗舊款既電車即時跌價。

至於一年揸一萬公里，買電車所慳到既油錢，都唔夠額外支出多 (新車車價/月供款、貴保費、貴電胎、額外充電既時間成本、換電池成本。。。)。油車5分鐘入完油走人可行600公里以上，但電車係車位無充電樁情況行300幾400公里就要四圍搵位充，繁忙時間又要排隊等充，充緊又要等，係商場既充電樁仲要俾埋停車場費，計落無想像中咁平。

所以電車只適合車位有充電樁既人 (例如住村屋)，要外出充電既就真係唔好搞

仲未講有港車北上後，入油只係HK$7-8/升，行每公里只要HK$0.7-0.8，根本唔會考慮換電車

---

作者: billyyau    時間: 2025-3-10 20:41



引埋例子你都要拗，同一個平台車款比較最合理，攞Model Y同A200比，兩部完全唔同級數類型嘅車點比較。

咩叫油車可選擇買三保，乜電動車冇三保買嘅咩，你到底識唔識㗎？
唔好求其上網睇到人亂噏就當真啦。

唔好靠噏，實際計條數出嚟證明油車金錢成本低啲先啦。

---

作者: soccerism    時間: 2025-3-10 23:40



唔好咁sad 啦,
治及興後, 香港少左好多聲音, 稍為多人氣只係的士問題, 其他.............

我係奇怪, 一樣物品, 當佢唔係必需品啦, 但有幾萬架車用緊既野, 一年內(我應該計錯數)加20%, 唔過份咩?
香港過去十年平均通脹率未超過一次3%喎
https://www.moneyhero.com.hk/zh/ ... 9%E5%BD%B1%E9%9F%BF

---

作者: kypywk    時間: 2025-3-11 11:30



本來我都係咁唸，唸住架舊camry跪了就出售劏車紙，再入手二手油車(多折讓嘛）。早排如我所"願"劏了老camry, 揸住張劏車紙左想右想，終敵不過以下三點自己去一換一了架電車：

1. 機會不再，26年4月再無一換一吧
2. 電車牌照費的確吸引
3.  看見油站D價格好似周星星醬爆牛丸咁(相反不停地升，醬爆牛丸是不停減價）

雖則我哩數小，但肯定用了電車後就自然用多D的了

---

作者: asasas999    時間: 2025-3-11 15:37


亂揸T牌一身蟻！內地網紅遭舉報4000萬T牌名車在港周圍揸

呢單野都好似冇左影

---

作者: chpyeung    時間: 2025-3-12 10:16



樓主你校對下你D數據先出 post 啦. 錯到離晒譜!
2024年普通油未連優惠 $16.XX?
近幾個月牌價 $2, $2 咁加?

---

作者: garylor    時間: 2025-3-12 10:44



首先你呢個價（$399000）係一換一先有，要own一架油車年半既成本你又冇計，就算當你買quota已經0字變1字，2手賣返出去又蝕返個差價。同埋邊間保險公司GLA全保要$12000?? 0%ncb +唔夠牌+唔夠齡？
如果係既話同一個人出EQA冇可能係$9200啦。

啱啱上28睇一睇，23年EQA最平未賣得出叫緊$268,001(24萬o個架冇寫幾字就唔計啦)，24年GLA(23冇盤)最平叫緊$399,000， 當你一年折多10%都仲值成36萬。請問一年要揸幾多/做幾多次保養先夠10萬?

---

作者: billyyau    時間: 2025-3-12 10:56



電動車係人都明1字係因為一換一，而非換多一手。
保險方面網上報價的，唔信你可以自己試試。
二手車，唔同年份點比較？我已攞咗2021車嚟比較，基本上兩者同價，計折舊係汽油版大啲。

計埋油錢保養費牌費等等，我就睇下你點計得出汽油版成本低啲。

---

作者: antonyhk    時間: 2025-3-12 11:26



其實拗嚟都係蹝氣，要計數既，唔計換電池、意外維修及時間成本，用電車成本係比油車平，但呢三樣嘢係確實存在既計時炸彈。

用車求方便及安心，計得掂數自然會換，唔係咪繼續用油車。

但香港一日唔解決充電樁短缺及快充數量少既問題，電車數量唔會爆發性增長，油車始終都係佔多數。

---

作者: garylor    時間: 2025-3-12 11:42



明還明，價就一定會蝕，唔通你覺得同一款電車0字會同1字一樣價?

我真係啱啱試左，25年新車全保，60%NCB夠齡夠牌 GLA$6200 EQA$5455。

我從來冇話"汽油版成本低啲"只係電車亦冇你地諗到咁神, 冇私家充電位就直頭係折磨。

---

作者: billyyau    時間: 2025-3-12 11:43




一開始好似係你拗咋喎。

話咗唔好上網聽人講就信以為真，凡事自己求證下先吧，保險費貴折舊率高呢啲根本只係流言。

---

作者: antonyhk    時間: 2025-3-12 12:37



我上面已經覆哂你，而家係你用片面既論點去講電車使用成本平，但我考慮既你全盤成本 (換電池、意外原廠維修及時間成本)，但你就只係選擇性回覆，無視正常人都會考慮到既決定性因素，咁仲有咩好討論？

要買電車既，當然只可考慮短期用車成本，但長遠如遇到換電池式意外原廠維修成本太大而選擇將部車報廢，只係個人選擇，自己硬食。

至於油車，我北上大把相熟車廠可做定期維修保養，年年驗車做保養，唔存在engine報廢問題，就算用10幾年後真係touchwood要維修engine，都係2-3萬就可解決，唔係電車既電池成本要10萬以上

---

作者: billyyau    時間: 2025-3-12 12:53




又係上網聽人亂噏靠估。

行幾多公里就要換電？廿萬公里？三十萬公里？行咁多公里慳返嘅油錢夠換電換新車有突啦。

請問你有冇電動車換電池嘅數據？
冇嘅話即係靠估啦，反正係靠估，汽油車都可以靠估咁講到壞完波箱再壞引擎㗎。

---

作者: chpyeung    時間: 2025-3-12 12:58



Really? 我攞自己架錢7攞去劏一換一買新電車都係1字牌簿?

---

作者: billyyau    時間: 2025-3-12 13:24




即係想證明啲咩？
證明電動車一字牌簿一定係有兩個車主揸過？

---

作者: chpyeung    時間: 2025-3-12 14:11



你答咗我一換一買返來的電動車有冇0手牌先啦.

---

作者: billyyau    時間: 2025-3-12 14:16



睇清楚人哋講咩先啦，幾時有說過電動車牌簿一定係一字。
係話大家都知上面個一字係因為一換一。

---

作者: chpyeung    時間: 2025-3-12 14:24




    大家都知? 你肯定個 1 字係因為一換一? 賣車時用來呃買家又幾方便.

---

作者: billyyau    時間: 2025-3-12 14:37



又一個叻唔切
如果你有車，攞張牌簿出嚟睇下，見唔見到有汽車首次登記日，同登記為車主日期。
請問有呢兩個日期嘅情況下，可以點呃呢？

---

作者: chpyeung    時間: 2025-3-12 14:54



咁有1字即係轉過手咁解囉

---

作者: garylor    時間: 2025-3-12 14:56



咪就係證明0字牌薄既車永遠都會值錢過1字囉
買車既人係唔會理你係因為1換1定點搞到變1字架

---

作者: garylor    時間: 2025-3-12 15:00



乜你唔知之前減1換1額嗰時，好多代理自己出左牌先咩？唔係邊黎咁多減價現貨車

---

作者: billyyau    時間: 2025-3-12 15:33




請問可以點呃下手呢？

---

作者: billyyau    時間: 2025-3-12 15:33



咁請問呢啲關一換一咩事呢？

---

作者: billyyau    時間: 2025-3-12 15:36



咁就大穫喇
之前我講EQA GLA嘅二手價係用EQA一字GLA零字咁計，如果根據你講法，即係要搵返GLA一字盤價先作準喎。
證明汽油車折舊遠高於電動車喎，對嗎？

---

作者: garylor    時間: 2025-3-12 16:19



你鐘意啦，你一時又話2手車唔同年份冇得比較，一時又話用EQA 1字GLA 0字去計，你慢慢啦~

---

作者: billyyau    時間: 2025-3-12 16:31



小朋友
而家係跟足你嘅說法去計喎，你話電動車一字好似汽油車一字般冇咁值錢吖嘛。
所以咪用返電動車一字對返汽油車一字，又唔滿意？

---

作者: garylor    時間: 2025-3-12 16:35



自己再睇清楚我之前講咩先啦，係咁先

---

作者: billyyau    時間: 2025-3-12 16:44



“咪就係證明0字牌薄既車永遠都會值錢過1字囉
買車既人係唔會理你係因為1換1定點搞到變1字架”

睇得好清楚，跟住呢？

---

作者: chpyeung    時間: 2025-3-12 18:14



呢樣我係贊同的. 手數大咗喎, 當然冇咁值錢啦, 唔好講咩一換一所以多咗一手呢D廢話啦.

---

作者: billyyau    時間: 2025-3-12 18:22



咁就奇怪
同年份嘅一字EQA二手價仲高價過當年新車價更貴嘅零字GLA，更唔好話係一字嘅GLA，乜唔係話電動車折舊高過汽油車嘅咩？
口口聲聲話汽油車保值啲嘅朋友請出嚟解釋一下！

---

作者: kypywk    時間: 2025-3-12 18:42



衣，我0手喎，運吉處印錯左？！ XD

---

作者: kenken33    時間: 2025-3-12 20:27



接近全部由輕到重型貨車，公共巴士用柴油,小巴的士行石油氣,單係汽油升關民生鬼事

---

作者: kanduki    時間: 2025-3-14 08:56     標題: 唔使理啲無揸過車嘅天真想法

都係果句啦
叉位貴過車
無私家叉位仲可以勉強諗吓Tesla
否則倒頭唻都係玩勁自己

---

作者: billyyau    時間: 2025-3-14 09:19

都係嗰句啦
有實際試過先作評論啦

永遠話煩嘅人都係未實際試過就靠估作評論，然後仲要大大聲教人。

一個二個唔識唔知唔查證又要自以為是咁教人，被踢爆係靠估亂噏後就笠水，真係唔知咩心態。

---

作者: jacktsui    時間: 2025-3-14 10:07

愈來愈多人轉EV ,  BYD 真係愈來愈多見
但叉位又唔覺點多到, 打算換EV既真係要有心理準備

---

作者: madebyp90    時間: 2025-3-14 10:11

本帖最後由 madebyp90 於 2025-3-14 10:13 編輯



    大陸叉電，而家已經出到500kw
0-80% 小米ultra 去nio只係食得285kw,都可以15分鐘叉完（93電 80%=74)  
如果用100kw叉＇就 45min
睇自己忍耐能力

而家香港叉電，平均100wh上下，tesla 3p 66kwh
80%=52kwh,半個鐘叉完

叉電/入油最煩都係揸過去嗰段，使唔使等
叉電時間入油其實差唔多
我去日本旅行日日300-400km up（租60日一共13000km)
入一次都要30-45min,因為油站好少地方有,亦都唔一定開

用得少，唔揸車就唔使煩/純油
用得多，hybird/ev,賭吓維修成本/折舊高,定係慳油錢更加多

---

作者: madebyp90    時間: 2025-3-14 10:15




    而家油站係劏緊散客/遊客
面價高
但係折扣之後重算合理
同埋好多人高里數都換晒ev

唔再理油價

---

作者: billyyau    時間: 2025-3-14 10:33



如果有認真留意，其實最近多咗好多唔同公司提供快充。
基本上肯俾錢快充，周圍都有仲要唔駛排。

加埋嚟緊已執笠嘅油站會轉做充電站，就更加方便。

---

作者: billyyau    時間: 2025-3-14 10:40




唔止大陸，而家連香港都有600kw充電機。

唔識嘅人就永遠都唔願意面對，永遠靠估以為要排隊要充好耐，根本唔知現實世界係點樣。

---

作者: chpyeung    時間: 2025-3-14 10:56



請你揾返對應的 post 來回. 我只講前車主數字愈細價值愈高啫, 唔係電車油車的分別. 唔好撈埋其他廢話!

---

作者: madebyp90    時間: 2025-3-14 11:01




    免費電要乞，要排隊,係事實
但係收費超充，接近唔使排隊
tesla 貴價收費嗰陣更加係直入,只係平唔過入油
蜆殼支水冷,直頭係拍烏蠅

而家叉電最煩係，只可以按時間，按kw買整數
用剩冇得退錢

唔似tesla用幾多收幾多

---

作者: chpyeung    時間: 2025-3-14 11:03



Thank you Ching. 咁即係運輸署套做法從來都冇變過啦.  原車主一換一車主冇變過就係0字, 買人家 quota 來一換一, 出咗牌換車主就係1字, 即係二手車啦!

---

作者: chpyeung    時間: 2025-3-14 11:05




    柴油咪一樣跟著升.

---

作者: chpyeung    時間: 2025-3-14 11:08



係囉, 你唔走去吸下太空油, K 仔, 大麻, 白粉? 唔食過先點知佢有害?  真係 on9 無極限.

---

作者: chpyeung    時間: 2025-3-14 11:13



入油要30-45分鐘? 你逐滴入定計埋揾油站? 你叉電又唔洗揾站的? 日本要揾叉電站計埋叉電時間可能要120-240分鐘啦.

---

作者: kypywk    時間: 2025-3-14 11:32


雖然話電車牌簿是1字大家也明是什麼事

但人的身體也最誠實的，當你買二手電車，兩架在你眼前，同咁上下年份，同款，同咁上下質素，但一架零字牌簿，一架一字牌簿，你點選 XD  ？

---

作者: madebyp90    時間: 2025-3-14 11:49


入油唔使排隊最快都4分鐘
由屋企出發,去到油站唔係時間?
專登兜過去唔係時間?
定你屋企公司喺正油站隔離？

順手去廁所唔係時間?,定你好放心咁樣擺低架車去廁所?
如果抹埋玻璃叫員工入水,=快極8min

而家叉電邊度洗45min?
朋友養車,收費超叉m3 最平嗰隻
差一次平均23min(由入閘計起到出閘)
30-80%
可以輕鬆去廁所，抹埋玻璃

23-8=只差16min,比你30-8=22mim,喺油站屙屎已經平手

兩個專登過去時間一樣
屋企有得叉電更加無敵
電費平，慳返叉電時間
唔使定期返廠交保護費，唔會六七年就開始漏偈油，穿水喉

日本而家大把叉電位
sa/pa/高速公路休息站/酒店/連市民澡堂都有得叉
俾你想像中方便

ev仲可以remote 方便開冷氣/開暖氣

電油車,落雪日子唔剷開死氣喉附近雪，上車會中一氧化碳毒
放自己車房亦都唔可以開定
更加唔好講，普通車想要remote,記得加錢同埋比月費


喺香港養車
兩隻都唔平

但係如果你好高用量
純油車貶值速度亦都係同垃圾冇分別
除非你調里數

結論係，ev喺高里數之下仍然有着數

via HKEPC IR 5.1.14 - iOS(5.1.1F)

---

作者: madebyp90    時間: 2025-3-14 11:53





日本油站遠比你想像中少
限8am-6pm入油
仲要有定休日
唔係你想入，就有
自助都唔一定24hr，個油站一樣有員工睇

同埋遊客,唔一定用到自助
有啲要有油卡，怕冇車嘅人買電油放火

如果係北美，情況會好啲

via HKEPC IR 5.1.14 - iOS(5.1.1F)

圖片附件: Uploaded_via_HKEPC_IR_Pro_iOS(8410B).jpg (2025-3-14 11:50, 126.92 KB) / 下載次數 21
https://h2.hkepc.com/forum/attachment.php?aid=2469141&k=752719fb6493068aac76ed521436d2b1&t=1781803016&sid=18r4DSHRgD



圖片附件: Uploaded_via_HKEPC_IR_Pro_iOS(FB230).jpg (2025-3-14 11:51, 106.84 KB) / 下載次數 19
https://h2.hkepc.com/forum/attachment.php?aid=2469142&k=4173e9624498d88df8d468f88872c193&t=1781803016&sid=18r4DSHRgD

---

作者: billyyau    時間: 2025-3-14 11:58



天材，冇食過點寫食評，冇睇過套戲點寫影評？

---

作者: billyyau    時間: 2025-3-14 12:00




冇錯
我咪話一字嘅電動車二手價仲高過同年份嘅零手電油車囉，請問汽油車較保值嘅說法點嚟？

---

作者: billyyau    時間: 2025-3-14 12:03




重點係
人哋收車會唔會因為零字而收得高過一換一嘅一字先？

---

作者: madebyp90    時間: 2025-3-14 12:21




    以前玩車
10萬公里已經係牛肺，唔似而家高里數都有人要

如果做uber
6年30萬，當架tesla model3一毫子都唔值

同樣價錢今日買一架jazz e:hev
行30萬公里，維修同油錢+假設你賣得返出去
成本都唔會低得去邊

淨係香港港獨創，每5000km換一次偈油都已經輸晒

---

作者: kanduki    時間: 2025-3-14 12:38

本帖最後由 kanduki 於 2025-3-14 12:58 編輯

回覆 57# madebyp90

400km要30～45分鐘入油
叉電的話我估再要用多兩三倍時間

叉電我覺得最麻煩係
啲公家場你叉完要即走唔係罰錢+犯眾憎
由於車同叉機嘅狀態並無法預計你亦預料唔到幾時要走

回覆 68# madebyp90

你講到日本用BEV咁方便
但聽聞連Tesla賣埋呢個月就
其他牌子啲BEV啲銷量亦都愈嚟愈少
最後都係叉位緊要過架車
啲一般住宅得100/120V單相電唻 淨係餵飽架BEV都勉強咗啲...

---

作者: madebyp90    時間: 2025-3-14 12:56



除非你60%叉去100%
如果3x%->80%
時間上嚟講係好準(tesla)
基本上足夠你去廁所,返嚟就啱啱好

我覺得討論個位反而係
1)你屋企附近叉電,究竟要揸幾耐，有冇算死草人士塞到特價時段先入去
2)出街叉唔係平，如果你最貴時段充，有機會貴過入油
3）你里數/等人時間，足唔足夠cover貶值？
4)接唔接受hybird等人涼冷氣,會着下停下
我自己訓左一個月車
hybird着偈發電嗰下衝擊力都幾大

所以我都講，少用嘅，唔好養車/純油，反正養車最大成本係停車場，而唔係油
高miles,可以睇吓乜嘢款啱自己

---

作者: kanduki    時間: 2025-3-14 13:06

回覆 75# madebyp90


咁首先睇吓自已個車位
會唔會連泊Tesla都唔太方便要向乘客位上落
同埋唔得閒特架車叉到100%就唔好買用鋰鐵電池嘅SR版
最後以而家電池車嘅續航力
油車入一次油嘅頻率你要預電池車要叉兩三次電

---

作者: billyyau    時間: 2025-3-14 13:19



一個二個以訛傳訛，講到電動車折舊率好高。
全新汽油車咪一樣甚至更高，只係啲人用N手舊汽油車嚟比，個折舊率實低㗎。

電動車一般電池保養有八年，八年揸十零二十萬公里，就算八年後電池即死，慳返嘅油錢保養錢已cover返車價有突，只係啲人特登避而不談。

---

作者: PPLd    時間: 2025-3-14 14:09



Agree

---

作者: PPLd    時間: 2025-3-14 14:10



I remember I posted an official quoted price for battery replacement before.
But people just ignored facts and continue on their bulls.

---

作者: madebyp90    時間: 2025-3-14 14:11




    tesla喺日本有兩個問題
1)佢好貴,就算咬完政府都係得好少人買得起
所以taycan能見度比佢重要高

2)好多農村買EV,通常係太陽能板/ev一套過
食盡政府之餘,仲可以停電嗰陣緊急發電
tesla冇外放電功能
變咗唔係首選
仲要而家byd過咗去開,上次去仙台旅行
都見到佢間舖頭,仲要有日本人過去睇
東京車展都好多人圍觀byd個展覽館

---

作者: chpyeung    時間: 2025-3-14 16:09



只可以講你呢個完全係片面的說法.
1. 你講的二手價係成交價定叫價?
2. 有幾多單買賣去支持你的講法?
3. 同年份係邊年先? 一兩年的二手車同八九年的二手車保值度都有分別啦.

---

作者: chpyeung    時間: 2025-3-14 16:13



人家收車就係睇你個字頭大啲壓低啲個價囉. 佢賣架車出去時就好似你之前咁講囉, 個1字係一換一的原因, 話冇分別.

---

作者: chpyeung    時間: 2025-3-14 16:18



去個廁所就由 3X% 上到 80%? 咁即係要幾耐? 你係咪一向都便秘?

---

作者: madebyp90    時間: 2025-3-14 16:30




    行去廁所唔使時間？
洗手唔使時間?
去個廁所3分鐘
來回都10幾分鐘

tesla v3你知唔知叉電速度有幾多kwh?
tesla m3 sr得51kwh, 50%=26kwh
當同一個站，兩架車一齊差,得番100kwh，15分鐘叉完，就算再差慢啲都係20min
tesla仲要有預備叉電技術,唔係你插完支電先開始準備

反而大陸車能源效率低
有啲大電七人車,得100kwh槍就真係差好耐

---

作者: chpyeung    時間: 2025-3-14 16:33



1. 請問8年電池保養, 係 tesla only, 定係其他電車都一樣? (如 IONIQ, BYD等大陸牌子)
2. 8年前一部新 tesla 賣幾錢? (當年好似係賣緊 model S 和 X)你點計出來慳到 cover 車價? 願聞其詳.

---

作者: billyyau    時間: 2025-3-14 16:34



講咁多代表咩？
係唔係你有實際數據代表到汽油車折舊率低啲吖？
冇吖嘛，咁憑咩講電動車折舊率高，即係你而家自我證明一開始電動車折舊率高呢個論點係亂噏啦。

---

作者: billyyau    時間: 2025-3-14 16:35




有實際數據，定憑想像亂吹？

---

作者: billyyau    時間: 2025-3-14 17:12



唔駛問我喎，上網大把資料，絕大部份電動車電池保養八年，部分更有永久保養。

講而家你就講以前，不如講八十年前一部汽油車貴過一層樓吖。

---

作者: madebyp90    時間: 2025-3-14 17:24

本帖最後由 madebyp90 於 2025-3-14 17:25 編輯



    呢個問題我可以答你
我有親戚個老公做uber
當年佢買咗一架ms 60定70
去到賣車嗰一刻，行咗30幾萬km
換過一次電(免費)

淨係慳嘅油錢,免費電，已經足夠去買層樓俾首期

二手就算係$0
都冇乜俾錢自己整過
同期隔籬屋買咗部bmw x3定x5油渣
整車整漏油,漏水,積碳,都整左6/7萬
油揸車早期冇得揸返大陸
焗住喺香港整

---

作者: wueddie    時間: 2025-3-14 17:46

上面不停講電車... 我講返油價.. 其實呢20年一直都有人講., 新聞又有講... 真係講到口都臭. 仲有. 不是車主的又吾會覺得關自己事 , 但事實係...
(可能想不到運輸成本增加導至物價上升)
(仲有佢地鐘意坐的巴士都會因為呢個原因加價)...
仲有,如果逼到好多車主賣車... 又會同佢地一齊逼巴士...
但無奈地佢地都係想吾到呢D問題... 所以都一直團結不了...

可以做的... 大家都係搵多D入油優惠吧啦..

利伸: 20年車齡路過..

---

作者: chpyeung    時間: 2025-3-14 18:28




    你講8年, 我跟你啫. 今日買新車要等8年, 未來8年有咩變化冇人知, 可能個牌子8年後已經冇咗, 你想換電都冇得換! 梗係回顧過去的好D啦.

---

作者: chpyeung    時間: 2025-3-14 18:36



你攞一個 case 來話一樣野, 我話你片面, 唔代表我要證明相反的就係啱? 我有講過"電動車折舊率高" 咩? 我根本冇興趣買二手的電動車囉.

---

作者: billyyau    時間: 2025-3-14 18:40



啱啊，而家買架汽油車，未來八年連個牌子有冇都唔知（八年前邊個估到日產會搞成咁）。
八年後油價加到幾多又唔知，八年後全香港剩返幾多間油站都唔知啊陰功。

你又不如答我而家係唔係唔應該買汽油車？

---

作者: billyyau    時間: 2025-3-14 18:48



有真實例子做case就片面。
嗰啲口口聲聲話電動車保險貴折舊高電池好快死，呢啲毫無根據咁靠估靠吹就全面？

---

作者: billyyau    時間: 2025-3-14 19:03



以前個餅夠大時，油公司當然慢慢宰割，等多啲人買車焗住幫襯佢哋。
到今時今日，啲人有得揀電動車或港車北上嘅時候，油公司知道個餅喺未來愈來愈細嘅時候，咪開始盡情宰割囉，總有啲人甘願留喺個餅內，油公司以後就係靠呢班人維生。

冇錯，真係要搵多啲優惠，因為之後如果真係有部分油公司撤出本港業務時，優惠就會隨着競爭縮細而減少，慢慢就要正價入油。

---

作者: kanduki    時間: 2025-3-14 21:28




日本嘅車價唔似香港咁俾FRT大幅扭曲
同價位的話電池車同油車或混能車就要先輸兩個班
例如拎370萬円買BYD海豚 同價對手已經係啲中型七座MPV/SUV
(大約向香港拎稅前車價去比咁）

至於果啲有屋有地再用千萬円投資太陽能發電嘅
用多幾百萬円買架電池車都係當買電池送車
多出嘅電甚至可以揸去商場度賣電換積分咁樣玩

---

作者: kanduki    時間: 2025-3-14 21:35




日產而家俾你貓哭老鼠
就正正係因為好似聽你老點咁太早搞電池車囉
試過舐嘢後就用堆剩餘物資砌過壇e-Power唻止蝕

---

作者: kanduki    時間: 2025-3-14 21:43



而家油價呢樣嘢
向美國都呻緊每卡3美金
向日本都挨到每升2百円
但果啲地方去計埋車價同充電時間同氣候等等風險
轉用電池車仍然係缺失比著數掙幾多吓...

---

作者: billyyau    時間: 2025-3-14 21:51



本田話要大力發展電動車
豐田啱啱尋日又發佈幾部新電動車，仲要內地設廠製造電動車

請問佢哋又係唔係排隊等執？

---

作者: kanduki    時間: 2025-3-14 23:05




聽住先囉...
大陸而家啲咁奇趣嘅市場
本身向度都仲有廠嘅雙田
點都要繼續造返啲CNDM
就算唔賺大錢都要維皮先