標題: 考車牌時間問題 [打印本頁]

---

作者: kof2002    時間: 2022-3-2 19:22     標題: 考車牌時間問題

情況係咁的， 5月考中期試， 學牌12月到期， 但有可能11月就過去外國， 呢種情況， 趕唔趕考得到路試， 拎到車牌

還是放棄香港學車， 過去外國再重新學過考過車牌？

---

作者: jazz2014    時間: 2022-3-2 19:35

生活更要個車牌...睇時間做人啦當然,,,,
btw 香港學完 p仔 去外國唔可以做國際車牌的 所以冇乜關係

---

作者: blkbd5    時間: 2022-3-2 20:41


香港考到自然做咗先，你覺得香港易學定系外國容易學啲？
如果你去英國，容易上手好多，法列同香港九成幾一樣，但外國學車就一定貴，如果一定要華人師傅仲煩！
但去北美，你一定要學過！

---

作者: ckkong97    時間: 2022-3-2 21:32


我覺得香港學車先貴...仲要好易fail...

via HKEPC Reader for Android

---

作者: blkbd5    時間: 2022-3-2 21:55


香港學車唔係平，但係，如果你跟師傅，喺香港路面渣熟先，學好控制架車，一定著數過喺外國先再搵師傅，去到外國，都要再考過，不遇，識操控架車就已經簡單好多。

---

作者: ckkong97    時間: 2022-3-2 22:52


我就覺得，直接係外國學就得了
我無係香港學車，個牌外國吸返黎
學車係學點考牌，唔同地方要求有唔同

via HKEPC Reader for Android

---

作者: kof2002    時間: 2022-3-3 03:18

因為有d 事情， 所以筆試和中期試隔好耐， 失預算。即係如果香港考左牌， 到英國都要學車和考牌？謝謝

---

作者: blkbd5    時間: 2022-3-3 06:05


如果去英國，Youtube 大把片教點系英國攞車牌

https://www.stepstepinfo.com/uk-driving-licence/

---

作者: ckkong97    時間: 2022-3-3 07:32



就算你即刻係香港考倒, P牌換唔倒國際牌要一年後換正式牌先可以...
一年.... 係邊度都學完加考埋啦

---

作者: kof2002    時間: 2022-3-3 09:45

明白， 都覺得學左一半， 考唔到路試有d 可惜。英國和香港學車考牌有咩大分別？

---

作者: sonichkhk    時間: 2022-3-3 12:26

考就英國更難考， 香港牌可以轉英國牌，但非完全一樣，保險見你轉牌來的 保險費都不同

---

作者: mo9394    時間: 2022-3-3 12:52

本帖最後由 mo9394 於 2022-3-3 13:00 編輯

無野好做, 錢又唔緊張, 咪學住先但唔去考LOR. 你同CF 講唔打算香港考, 直接教實用的技巧


路面經驗係要儲.  有乜安全唔安全係自己的生命. 儲多D 鐘數一定無蝕底.
有D 外國地方分唔同的牌, 普通操控OKAY, 就可以自己儲路面經驗, 期間有 D 路唔用得之類, 夠年期後再去考高一級咁.   

除非你去到嗰邊有親友教你, 否則無人教你你都係學唔到野, 危唔危險都好難講, 一次意外, 足以cover 你依家要俾的學費.


打完見到你話英國, 咁自己研究一下喇. 你英文能力okay 唔okay, 同時又學車又聽英文指令得唔得咁.

我諗你香港學到十零堂, 有基本concept 會好少少
你有中期試, 即係駕院. 咁用晒個package 先算喇

---

作者: poopies    時間: 2022-3-3 19:16


轉過黎點樣唔一樣法？

---

作者: kof2002    時間: 2022-3-3 20:05

有無方法可以提早路試日期？

---

作者: sonichkhk    時間: 2022-3-3 22:24

回覆 13# poopies

使用上限制一樣沒分別都是英國牌，主要轉來的牌是見到的 就保險 租車 工作用給人看到會差別而己。

---

作者: poopies    時間: 2022-3-4 02:01

本帖最後由 poopies 於 2022-3-4 02:53 編輯

英國買車保唔係必須要報牌照號碼, 可以就咁揀UK Full Licence就得。填唔填牌照號碼對保費無乜大影響(除左Admir_l旗下個幾間報價極度敏感的保險公司), 而保險公司亦唔會要你牌照副本(換牌的最大分別係後面個70HK remark), 所以保險公司基本上唔知道你個牌係唔係換返黎。

唯一係驚交份駕駛執照細節證明的時候有乜問題。怕DVLA唔係由你香港拎牌的日子開始計, 咁就可能你本身係香港十年牌, 但無啦啦換完變左新牌(參考返駕駛執照背後個table, 有列出每個CAT的牌照係幾時開始生效)。如果你係新牌買保險咁先會貴, 否則順利轉過黎對保費無影響。

租車更加唔會理, 反正大部份租車公司都預左遊客黎租, 我拎住英國考的牌都唔會有特價。

---

作者: blkbd5    時間: 2022-3-4 03:13

師兄，你去得英國，花少少時間，上youtube睇吓，做下工課，好多人教你點換牌，點考牌？  未去英國，盡量花時間系香港學揸車，去到英國，你再補鐘都容易好多！
路面經驗，操控系經驗，唔會晒咗！

---

作者: mo9394    時間: 2022-3-4 07:47

本帖最後由 mo9394 於 2022-3-4 07:49 編輯


排期呢D 你問番駕院, 佢自己管自己條龍同街外排係分開

排就順住排, 除非有人改期

---

作者: 罪大惡極    時間: 2022-3-4 10:10

考到就考, 都比左錢. 當玩下.  P牌冇用,轉唔到牌. 唔通又再返香港轉牌?  早D過去, 適應生活, 好快上手, 自然易拎到牌

---

作者: ckkong97    時間: 2022-3-4 10:41



每個地區既路面經驗都有唔同... 如果係之後留英國, 去英國先學仲好...
當年我個加拿大牌返到黎香港隔左幾年先開番車....
操控一定無問題.... 但路面經驗完全兩回事....
有牌都咁.... 學車咪仲衰....

---

作者: poopies    時間: 2022-3-4 16:17


樓主洗濕左個頭，我都係會建議照學照考。

如果一早預計到自己會去其他地方，其實真係去到當地先學會比較適合。

舊同學由香港搬黎五個月，咁短時間已經食左兩張快相。因為佢唔識分single/dual carriageway黎睇national speed limit。佢大致上跟牌行，但以為兩線以上就一定係dual,可以放心踩，結果中伏。

呢啲路況細節位，如果係呢邊學就容易pick up好多。我舊同學宜家咪要交學費。兩次都band A, £200學費同拎六分，無awareness course offer。

via HKEPC IR Pro 3.6.1 - Android(3.3.1)

---

作者: 玲瓏一號    時間: 2022-3-4 19:14

提示: 作者被禁止或刪除 內容自動屏蔽

---

作者: blkbd5    時間: 2022-3-4 21:05


請問，英國學車點計，幾錢個鐘？
容易揾到華人教車師傅？

我系英國揸車，比較容易，法列同香港好一致，但我一定會開google map，因為會有限速標示，唔熟地頭就要善用科技！
在北美，就另一個世界，雖然操控架車冇問題，法例同習慣同英國完全不同，懂得操控架車已經顧少好多野！

---

作者: poopies    時間: 2022-3-4 21:51

本帖最後由 poopies 於 2022-3-4 21:59 編輯

師傅收費睇地區, 我住緊呢頭就大約£19-30一個鐘。從來無考慮過華人師傅, 所以唔清楚。
肺炎前我考電單車就£50一堂(75分鐘)。唔包我自己操車買個架125, 學車+筆試+路試+CBT+考試租車, 一共用左£400左右。

Google Map同Waze都係流流地, 我公司外面條路限速20, Google同Waze標60, 好多時我部車digital cockpit個限速偵測重準少少。 同埋Google map個快相都唔多準, 例如M62/M60好幾隻白鴿籠/均速相機都無標。

基本上都係靠自己在地駕駛經驗。

---

作者: blkbd5    時間: 2022-3-5 00:25


英國學車算平喎，估唔到，因為英國基本上乜都貴，特別系人工！
Google Map 同 Waze 當然唔能夠盡信，但都系一個參考，好多時都啱，無計，唔熟地頭就只可以搵佢地幫手，所以我開車一定同時開 Google Map 睇住，塞車走位都好吖！

---

作者: kof2002    時間: 2022-3-10 16:22

咁英國London 外， 係咪一定要有車先生活到， call uber 方便嗎？ 可能都係趕唔到考路試，就算 考到都係p 牌， 過去英國都係用不著， 有d 擔心

---

作者: blkbd5    時間: 2022-3-10 18:21


我系英國時，除非住大城市，無車系好好好唔方便，叫烏爸唔系唔得，錢啫，你去超市就知，坐公車都唔平！

---

作者: poopies    時間: 2022-3-10 18:28

本帖最後由 poopies 於 2022-3-10 18:31 編輯

Ching 好睇你住邊頭喎。

呢邊有車生活豐富好多。但如果講基本日常生活, 只要你住的地方步行路程去到high street, 咁無車都應該生存到。但通常開得夜d的鋪頭都唔會係市中心要揸車先去到, 夜左(例如6點打後)好多時得corner shops/pub/take away之類開。

Uber唔係所有地區都有coverage, 如果無就可以搵下有無本地的士台。
坐多幾坐巴士同火車就會發現皮費唔會比養車平。

如果你香港已經交晒學費, 咁咪繼續上堂, 考得切咪考。
香港考完過到黎, 一係等一年甩P再換牌, 一係就係英國考多次。

btw 你學自動波同棍仔？ 如果係揸棍仔, 過黎搵二手車會開心好多。

---

作者: blkbd5    時間: 2022-3-10 22:57

是的，系英國，我都要揸棍仔，樓主去到就明，無野唔得，錢啫！

---

作者: kof2002    時間: 2022-3-10 23:58


去到先考， 要預幾多錢和幾耐時間？ 要唔要英文底子好強先會明？

---

作者: poopies    時間: 2022-3-11 00:27

本帖最後由 poopies 於 2022-3-11 00:32 編輯

師傅的價錢真係好睇地區, £19-50一個鐘都有。

好多師傅都好彈性, 好似香港學生搵私人老師上門補習咁。
你可以去申請左個學神牌同教左筆試先開始跟師傅操車。操到咁上下, 其實師傅都會叫你去排期。

可以上Google search當地的driving school, 好多時佢有做試堂優惠, 可能£20兩個鐘之類。
你可以試下上堂, 睇下聽唔聽得明 & 同個師傅夾唔夾, 跟住先再決定學唔學落去。

如果你心急又對自己手車有信心, 有d driving school有速成班, 可能£400十堂連考試費同租車費。


至於英文底子的要求我覺得唔高, 可能只係當地口音你會需要適應。
我係呢邊大同住左好多年, 所以我的判斷未必一定準確。

如果學車指示聽唔清楚/有專有名詞聽唔明, 直接問師傅咩意思/叫佢講慢少少就ok, 反正學費包埋

---

作者: blkbd5    時間: 2022-3-11 03:37

英文程度要樓主自己先知，但，至少，講我自己咋，
我一路學車，一路專心路面，師傅用廣東話我都未必消化到佢講乜！
英文，我要諗一諗，隨時炒咗都未知乜事！

---

作者: ckkong97    時間: 2022-3-11 09:44



當年Toronto 學車, 師傅係講廣東話... 考試就一定係英文.... 所以好多時都師傅講既指示都係要英文等你聽慣....考牌就係果啲字眼...

---

作者: blkbd5    時間: 2022-3-11 20:45

如果只係一啲簡單instruction，英文梗係冇問題啦，
left turn，right turn，pullover，speed up…，考試佢唔會同你講咁多嘢！
但可惜，我一路揸車嘅時候，師傅就會不停講，望鏡，望盲點，小心前面行人，唔好跟車太貼，望遠啲，唔好咁大力推油門，停車唔啱位……，不能盡錄，樓主應付到咪得，我渣啫！

---

作者: ckkong97    時間: 2022-3-11 20:51


呢啲心法，師父都係用廣東話易記啲

via HKEPC Reader for Android

---

作者: kwliu    時間: 2022-3-11 23:20



以前車過英文人，要一路揸車一路同佢對話真係個腦hang hang地。

---

作者: nganshiu    時間: 2022-3-13 23:22

本帖最後由 nganshiu 於 2022-3-13 23:30 編輯

如香港考要比多幾錢?

---

作者: kof2002    時間: 2022-3-14 00:43


謝謝   應該會係曼城， 唔知1、2年無車會唔會有大問題， 請問一般英國學車和考車流程如何？ 全程要用幾耐時間？

---

作者: poopies    時間: 2022-3-14 04:45

本帖最後由 poopies 於 2022-3-14 17:55 編輯

最難頂其實應該係你岩岩搬到過黎要添置家品個期, 不過宜家興網購, 上Amazon乜都有得買。
Manchester搵返d近Metrolink / 火車站的地區黎住, 一年無車應該都還可以。

英國學車流程如下：

1. 申請學神牌
到左英國住夠185日後, 就可以上DVLA網頁申請個學神牌(provisional driving licence)。價錢£34,。拎到個牌之後就可以正式學車。

2. 學車
英國學車有兩個方法: 搵師傅上堂 / 搵朋友教車。
前者最簡單, 搵到driving school, 上網訂堂/打電新去book, 跟住就照正常上堂。
比較出名d的有Round the Bends/AA。唔敢講全部driving school都係咁, 但我學車同電單車個兩間driving school都只係agency。上堂之後所有約堂同學費直接同師傅deal, 同間school再無關系。

後者基於你有朋友/親戚夠三年英國牌又夠21歲, 你就可以自己搵架車返黎,買學神保險同貼個L牌落車身, 然後搵你朋友做師傅同你操車。通常移民過黎/留學生都好難有人脈咁做, 所以都只係純粹話你知有呢個方法。

3. 考筆試
上DVLA網頁報名(價錢£23), book個好日子就去個考場到考。去到考場就交booking資料比reception, 然後接待員就會話你知去邊部電腦到考試。個考場好似d學校電腦室, 跟住全部用電腦答題。

筆試有分MC題同危機預感測試(hazard perception):
- MC題就基本道路常識(The Highway Code,  traffic signs &  essential driving skills), 57分鐘答50題問題, 43題合格。
- 危機意識測試基本上就係睇幾條一分鐘長的車cam片, 你一見到有d盲毛想衝出黎就click滑鼠。目的係要測試你夠唔夠機警。一條片會有一到兩個危險位要click, 通常都幾明顯 (例如小朋友係路邊行緊/有架車一早係讓線已經凸曬個頭出黎等等)。買隻手機app返黎慢慢玩下練下就會慣。

考完出返去reception報到, 如果pass左佢就會即場印張証書比你。

4. 考路試
當你考好筆試, 跟住操車又操到咁上下, 你就可以同師傅商量考路試。同師傅商量原因係考路試通常係會租返師傅架車, 所以要同師傅約時間。同埋路試你可以要求師傅一齊, 佢會坐後座觀察。我自己考車前會上多一個鐘堂先再去考。

預約路試又係上DVLA book。

考試的時候, 考官會先同你驗眼：讀出廿米外的車牌號碼。

跟住就會同你行去你師傅架車, 然後問你基本汽車安全問題("Show me..." and "Tell me..." questions)。例如會叫你打開頭冚, 叫你指出引擎水箱係邊個位置, 再問你點樣檢查水箱水位同維護 / 叫你坐落司機位, 跟住問你點樣檢查尾燈正常運作之類。d答案全部有得背, 同埋d答案都好簡單, 師傅會教曬你。(例如水箱個題咪話檢查水位係MIN/MAX之間, 太少的時候就補充。尾燈個題就話係牆前面踩剎車, 跟住靠燈影黎確定尾燈正常運作)。

正式揸出街就基本上跟考官指示, 佢會話你知揸去邊。揸揸下會叫你調頭, 路邊停車, 斜路停車再上車, 緊急剎車之類, 跟住宜家路試好似重有一part係要你靠電子道航黎獨立駕駛。

英國路試每個考場的路線好多, 好難話記口決認路操死就得。有時師傅會同你貼題, 話呢期揸邊區多, 跟住會同你操多d。成個考試40分鐘左右, 話難唔難, 話易唔易。我當年17歲去考都1 take pass, 零minor。

另外上面有人比錯資料, 考試的時候考官係會同你吹水 (我考電單車都同我係walkie到吹水)。目的都係觀察你會唔會分心同夠唔夠定 (當然你可以選擇hea答/唔答, 唔答唔會扣分)

15個minor errors內都合格, 但如果同一個minor錯多過三次都會肥。

返到考場, 泊好車, 咁考官就會話你知合唔合格。
合格的話, 入去office佢就會印張cert比你, 跟住師傅就會車你返屋企。

--
英國考車無最低堂數要求, 成件事好彈性, 你有信心咪早d考, 無信心咪學多兩堂。我當年由學車, 筆試到路試一共用左三個月。同師傅上每星期一堂(1 hr), 連埋考車前個雞精堂, 學左14個鐘左右。

--
戴返個頭盔：上面個d全屬個人經驗同理解, 有乜錯漏我唔負責
建議參考返DVLA官方指引同RAC的學車貼士為準
https://www.gov.uk/learn-to-drive-a-car
https://www.rac.co.uk/drive/advice/learning-to-drive/

---

作者: kof2002    時間: 2022-3-18 20:41

本帖最後由 kof2002 於 2022-3-18 22:46 編輯

感謝十分詳細。 因為校網關係， 應該會揀reading, 想請問 有無 d driving school 推介？

另外， 英國車牌， 第時回港可否用到？

謝謝

---

作者: poopies    時間: 2022-3-18 23:37


英國車牌可以換返做香港車牌。
填張TD63A form跟住帶齊資料去金鐘運輸署排隊交表就得。

---

作者: kambo_tong    時間: 2022-3-19 11:45



搭單問吓，如果有香港P牌，未滿一年轉唔到正式，移咗去UK，會唔會有得轉呢？又或者有無得豁免部份考試呢？先謝！