標題: [私家車] P牌買JAZZ [打印本頁]

---

作者: jackywth    時間: 2022-2-11 11:09     標題: P牌買JAZZ

P牌想買架平平地 5人車靚靚仔 既操車 睇中左架06年JAZZ  
想買下EX同冇EX版有咩分別

---

作者: arrychiu    時間: 2022-2-11 12:58

我一向都唔建議P牌買咁大年紀嘅車，
如果真係要買，一定要搵個熟車嘅朋友去睇睇同試車。

---

作者: ckkong97    時間: 2022-2-11 14:19



06 係第一代 Jazz, 你試清楚個波箱起步有無震先買....
舊post 講一代 Jazz/Fit
https://www.hkepc.com/forum/view ... &highlight=jazz
https://www.hkepc.com/forum/view ... ght=jazz&page=1

曾經有架04 Fit, 開左三年tot 左...

---

作者: bsheung    時間: 2022-2-11 15:04

提示: 作者被禁止或刪除 內容自動屏蔽

---

作者: mo9394    時間: 2022-2-11 15:06

本帖最後由 mo9394 於 2022-2-11 15:28 編輯

十萬左右, 2014 左右的車易打理好多. 有乜壞都係講運氣, 唔會話壞完呢樣轉頭壞第二樣.

你渣兩三年拎番去賣都係八萬左右, 幾千到一萬蚊一年, 未必會比你買架 06 年舊車貴. 06 年車乜都夠晒期會壞, 大件野換零件六七千蚊, 整完呢樣就壞第二樣, 唔值得整.
06 的車, 差唔多係有乜大野壞, 就直接賣車劏車算數.

個人就推番D 大CC 的車, 二手價比較抵, 你操車用得多, 大CC 牌費貴少少都無謂.  而架車夠力, 對於你唔識小路出大路的時機, 反而更安全.


十五年車以上, 經常著engine 燈係預左. 你最好識讀code 睇code

---

作者: ChingTszHong    時間: 2022-2-11 16:00

提示: 作者被禁止或刪除 內容自動屏蔽

---

作者: 罪大惡極    時間: 2022-2-11 16:15

買架新車都係廿零粒. 除非手殘到日日撞, 買架新車保你命仔.  抵比啦

---

作者: ckkong97    時間: 2022-2-11 16:20



你條link 個post 問第二代Jazz .... 06 係第一代....

---

作者: ckkong97    時間: 2022-2-11 16:22



要保命一定唔買Jazz.... 當年tot 架Fit...
細車撞起上黎必輸.... 重量同大細問題....

---

作者: mo9394    時間: 2022-2-11 16:27



2022 年睇 2012 年的post, 入面內容連 LINK
http://www.hondajazz.com.hk/specification.pdf  都去唔到, 咪又係無野幫到手

---

作者: ChingTszHong    時間: 2022-2-11 16:28

提示: 作者被禁止或刪除 內容自動屏蔽

---

作者: ChingTszHong    時間: 2022-2-11 16:31

提示: 作者被禁止或刪除 內容自動屏蔽

---

作者: mo9394    時間: 2022-2-11 16:33



你答到咪直接答人LOR, 但我真係CLICK 入條LINK 係見唔到, 淨係見到"多左D 無謂野"咁

但"無謂野"係乜我睇完都見唔到

---

作者: ChingTszHong    時間: 2022-2-11 16:35

提示: 作者被禁止或刪除 內容自動屏蔽

---

作者: mo9394    時間: 2022-2-11 16:38



P 牌無經驗, 選擇未必好.

---

作者: ChingTszHong    時間: 2022-2-11 16:40

提示: 作者被禁止或刪除 內容自動屏蔽

---

作者: ckkong97    時間: 2022-2-11 16:41



以往代理輸入的Jazz，可分為基本版1.3LX和豪華版1.3EX兩種，兩者除了包圍組件和小量設備分別外，基本上同出一轍。至於今次代理極速引進的二○○五年Jazz Facelifted版本，則有明顯的突破，在整體規格不變的大前提下，換上不少新裝備，令人眼前一亮。
http://the-sun.on.cc/channels/ca ... 911001644_0010.html
2005 facelift 左應該同2006 一樣

---

作者: mo9394    時間: 2022-2-11 16:41



我建議佢買十年內的二手車. 你係要講買新車, 關我乜事

---

作者: ckkong97    時間: 2022-2-11 16:42



我搵倒果個post 都唔整出黎, 條link 廢既....

---

作者: ckkong97    時間: 2022-2-11 16:43



幾萬蚊買架中房肯定好過買Jazz....
EX 同LX, 我上面答左

---

作者: ChingTszHong    時間: 2022-2-11 16:44

提示: 作者被禁止或刪除 內容自動屏蔽

---

作者: ChingTszHong    時間: 2022-2-11 16:45

提示: 作者被禁止或刪除 內容自動屏蔽

---

作者: mo9394    時間: 2022-2-11 16:46

我就好公道. JAZZ 06 都係兩萬蚊. 咁兩萬蚊加埋可以潛在的保養, 預鬆少少都同樣要一萬蚊一年, 隨時要劏.

買一架大CC, 中大型房車, 因為依家唔興房車, 個價真係勁低.  例如一架2014 年的MAZDA 6, 應該八萬鬆D 搵到好靚仔.  2017 年十萬左右都搵到.  你用番幾年再賣, 差價應該都係兩萬左右.

---

作者: ckkong97    時間: 2022-2-11 16:47



我都係回人地保命買新Jazz... 咪玩啦... 一噸重既車保倒幾多.... 而家路上大部份車都1.5 - 2 噸.... 要保命一定唔選車仔....

---

作者: mo9394    時間: 2022-2-11 16:48

本帖最後由 mo9394 於 2022-2-11 16:50 編輯


0 手七年車跌價會跌得勁, 因為買新車的車主好多時怕驗車, 所以一要佢地驗車, 佢地就強烈考慮去賣, 價錢有明顯分別

例如我見到有一架MAZDA 6 28CAR 標九萬賣左  (可能再講下價會平少少)
0首 假日車 約1萬3千公里 港行貨 泊有蓋 直版任驗 免匙啟動藍牙 前後雷達後泊鏡頭 慳油 無需維修已政府驗車

---

作者: ChingTszHong    時間: 2022-2-11 16:48

提示: 作者被禁止或刪除 內容自動屏蔽

---

作者: ckkong97    時間: 2022-2-11 16:54



最煩係Jazz 第一代好多問題, 一係無得整, 一整都唔只兩萬蚊.... 06 年都十五十六年車... 乜都夠晒期... 仲賣得兩萬先好野....
我十年前tot 架fit, 09年買04 fit, 當年都係7萬蚊, 開左三年tot 果時都值四五萬, 十幾年後.... 仲要兩萬...

---

作者: mo9394    時間: 2022-2-11 16:56

本帖最後由 mo9394 於 2022-2-11 16:57 編輯


舊到正常唔會買的車, 大CC 車就萬幾, 細CC 就兩萬, 見人多數咁標

唔通賣五千咩, 我拎去湯賣quota 俾人換電車算喇. 可以拎一萬蚊.  JAZZ 劏車都執到二千掛. 咁可以袋萬二蚊.

---

作者: 罪大惡極    時間: 2022-2-11 16:57

疫情真係搞到人好壓抑, 兩萬蚊買到唔洗大執, 先係奇蹟. 唔理係EX定Delux 啦

---

作者: ckkong97    時間: 2022-2-11 17:00

本帖最後由 ckkong97 於 2022-2-11 17:02 編輯


我2012 年湯架04 Fit 收左兩萬... 個尾凹晒....
一兩萬蚊既車.... 養既成本一定高過車價....

---

作者: mo9394    時間: 2022-2-11 17:01



咁車頭有野拆出黎值錢都OKAY
湯車都係睇零件價

---

作者: ckkong97    時間: 2022-2-11 17:03



咁車頭一定值錢過車尾... 副engine 無問題... 後面就俾架2x 座村巴撞到入晒....
果個年代, Jazz/Fit 通街都係, 湯車啲件大把人要.... 所以湯都收好高價....

---

作者: mo9394    時間: 2022-2-11 17:25

本帖最後由 mo9394 於 2022-2-11 17:33 編輯


十三四年車以上, 除非好有感情, 或者D JDM, 否則一定係換同款新幾年的車比較抵玩, 好過壞乜整乜. 明明數時間要換胎/電池 (四年/兩年呢D 好保守的時間), 連胎同電池都唔想換, 講唔定半年內湯唔湯車, 拖得就拖.

整車錢, 新款舊款都係一樣咁整, 一樣咁收人工.
例如換個散熱扇, 散熱穿左之類, 都係一樣價.  舊車舊到一年可能整兩三次, 同半舊車, 兩年整一次.

心態上, 要預左突然間開唔走部車的壓力, 真係無乜野就唔好搏.  行行下公路著engine 燈, 停車時又要check code, 見慣都係嗰D CODE, 無乜大問題就自己消code, 見新CODE 或者出得太密就抽時間去車房check , 車房又覆你話, 依家睇唔到有野, 再著燈先過黎喇, 老爺車係咁架喇, 整都唔想整, 預左開價出黎都未必肯俾.  部車咁舊, D 管道一定漏氣架咩, 好難跟晒, 要換好多野, 唔影響安全的, 用住先喇.

---

作者: ckkong97    時間: 2022-2-11 17:33



同意你既講法...
通常買就要驗車既車, 果時二手價就最抵, 而日系車去到驗車年份都未開始出問題...
即係六至七年車左右.... 當用到九至十年車就開始多野整, 就算係豐田都會多野整....

---

作者: mo9394    時間: 2022-2-11 18:06

本帖最後由 mo9394 於 2022-2-11 18:24 編輯

另外P 牌操車唔好覺得自己車平就可以大膽咁試多D 野.  你撞到人地部車, 撞到停車場D 柱, 一樣係要賠錢俾人的.  手緊就唔好"操", 等儲多少少錢先去養車. 如果手頭緊到拎兩三萬出黎係好困難的話, 唔好養, 如果唔係一下賠唔到錢俾人就好麻煩.

養車成本一個月都四五千, 車價一年你當扣一萬一年, 一千蚊一個月咁計, 其實好平.
車價二手入二手出, 七年以上的二手車, 基本上都差唔多. 新D D 車就跌多少少但保養平, 舊DD 車就跌少D 但保養好大機會貴, 無必要買好舊.

你呢一刻拎兩萬蚊, 搵人執番俾多一萬. 三萬蚊成本. 但幾時壞乜就好難講. 新手連部車都未渣掂要學整車, 難 D LOR.
你呢一刻拎八萬蚊, 搵人執番俾多一萬. 九萬蚊.  壞得多野的機會唔太高. 幾年後, 多數車都係有六萬蚊可以拎番.
二手車價分別, 只係你將舊錢放落車價度暫時擺住先, 幾年後套現番, 扣起兩三萬折舊左右,  定係可能每年放多一萬落保養度.

六萬蚊擺住先, 咁係一個乜concept?  四五千蚊一個月養車, 即係遲一年先養車, 就已經慳到.

架車好少會total loss, 如果真係預自己會 total loss , 咁買架安全的車緊要D

---

作者: soccerism    時間: 2022-2-12 09:21




    我都認同師兄所言, 太手緊不如唔好渣住, 揩花撞凹唔係只計自己, 賠人條數永遠不變.

渣車支出項目己經多, 仲要得閒壞下冷氣泵, 果頭又要換迫力皮, 跟住又偈躉膠, 再跟住個電窗又卡住唔識上/落, 頭/尾燈燒左或入水氣, 死氣喉穿左變跑車...........聲.

如果真係同價位同年份, 可以睇下PICNIC, 大架D, T記車真係少D毛病

---

作者: jazz2014    時間: 2022-2-14 10:11

本帖最後由 jazz2014 於 2022-2-14 10:13 編輯

其實近年好多人都有 另一個人心態啦,都唔知幾多p牌 揸新車..(我當年都係)

我用左20萬買到自己岩心水既車.車身顏色.同埋頭5年真係冇壞..只係check左車換下油 1年洗1~2千蚊，
同期有個朋友6萬左架用左十年2手返黎同一牌子 攪下呢樣整下個樣...endup 大家6年之後一起換車我賣左10萬，佢賣左3萬

我用左萬五check車換下油，佢整左好多野拖左幾次車 洗左4萬

埋單計我蝕左 21.5-10 = 11.5萬，佢10-3 =7萬

其實差唔多 對於我當年新牌仔又唔識人整車又唔想浪費時間去整車 真係輕鬆
技術問題 又係另一個野 最多花小小中下石仔更係有...大撞一定冇...明知道家代步又唔會拎去飛

世人硬係覺得P牌仔一定撞呀...唔好咁old school啦

---

作者: ckkong97    時間: 2022-2-14 10:19



撞車呢家野, 無話一定係P 牌, 但撞起上黎P 牌一定貴... 點解, 保險本身已經貴, 再加墊底又貴, 所以手緊就唔買車住...
撞過七次車, 其中一次係俾P 牌撞.... 佢無報保險, 最後我收番黎既錢係唔夠整車....

---

作者: washushulu    時間: 2022-2-14 15:12

05JAZZ行貨車, 前用家路過....
我部車用咗11年, 上年換咗, 假日行所以用唔到7萬里, 每年定期換油
車頭起步都有震，因為夠期換正廠波箱油
用咁耐評語, 車身細，睇位易，坐滿上斜就一定要大腳, 因為得1399cc
慳油, 維修支出呢.......touchwood我無咩整過,只有定期換消耗品, 同換過2次軚....

---

作者: unfair    時間: 2022-2-14 18:07

比多幾千買GE( Jazz 2代)好過喇，仲買GD 做乜

via HKEPC Reader for Android

---

作者: red666devil    時間: 2022-2-15 09:46




    明知道家代步又唔會拎去飛 --> 係香港啲道路，想飛都難，有幾可山路可以揸跟牌"減50"

---

作者: ckkong97    時間: 2022-2-15 12:11



無錯, GE Jazz有一堆行5AT 無CVT個問題, 加上二代個CVT都改左無左起步震個問題....
另外有一期既GE 係有side airbag....

---

作者: kwliu    時間: 2022-2-15 13:43



咁要睇下係乜車, 有啲歐洲車新車都可以好多問題, 舊地獄腳車可以無乜大維修.

---

作者: jazz2014    時間: 2022-2-15 18:44


新車 驚咩 ？

via HKEPC IR Pro 3.6.1 - iOS(3.0.0)

---

作者: kwliu    時間: 2022-2-15 22:21



新車都可以多問題，間唔中聽到啲苦主頻頻入廠。

---

作者: jazz2014    時間: 2022-2-16 07:38


對於新牌黎講 入廠好過街邊比人劏

via HKEPC IR Pro 3.6.1 - iOS(3.0.0)

---

作者: kwliu    時間: 2022-2-16 09:48



兩樣都係比人劏

---

作者: arrychiu    時間: 2022-2-16 13:07

本帖最後由 arrychiu 於 2022-2-16 13:09 編輯


日本根本就小嘢過歐洲車，所以壞嘅機會亦都小D，
同埋好多歐洲車係俾車房整壞而唔係揸壞，
好多師兄話T車唔壞我睇法係有小小唔同，
大部份日本車有問題係唔會話俾你知，
而歐洲車就小小問題都會著燈話你知，
以前我細佬有架大霸王行貨，我每年只係揸一兩次，
每次我揸都覺得有問題，而我細佬係無發覺，
到佢移民我想佢留俾我粗用，點知兩三年無揸一攞車重大獲，
成份底擔都有問題，舦尺鬆到兩點鐘架車都唔轉，
避振到晒期，波箱又chok，唯一係機器重好精神，
我計一計整整埋埋隨時過10萬，最後決定唔要叫佢賣咗佢。

---

作者: kennyleunghk    時間: 2022-3-14 11:33

我都係新手, 但我真心唔敢2萬買架0幾年車.....
女友買車時都係唸D 2萬零蚊0幾年車, 我都叫佢唔好
我都係同哩度D師兄一樣意見, 4萬買架14年日產係貴左個double, 但揸2年賣返出去易好多, 而且0幾年車我真心驚保養, 有問題時你都唔知整好定劏好

---

作者: aleck_choi    時間: 2022-6-5 13:35

P 牌唔係多數買 Tesla 嗎? 我見馬路好多 Tesla 都係掛住個P牌

---

作者: kypywk    時間: 2022-6-5 19:13

新牌仔買GE,合理價錢年份是合適選擇

---

作者: jazz2014    時間: 2022-6-6 01:09

新牌買新車 其實一街都係 呢個代 買架車返黎操 。新牌新車都可以操車，新牌仲錫車 唔會得個勇字

---

作者: n123    時間: 2022-6-13 08:21

新手用Jazz 操車系不錯。留意波箱問題

---

作者: lyh1993    時間: 2022-6-13 10:10


兩萬渣完湯有一萬 四萬渣完放得萬幾 邊部抵啲？

via HKEPC Reader for Android

---

作者: okutama    時間: 2022-6-13 13:03

回覆 42# ckkong97


    請問CVT 有咩問題?

---

作者: ckkong97    時間: 2022-6-13 14:08



扒舊文....
https://www.hkepc.com/forum/view ... p;extra=&page=1

---

作者: kennyleunghk    時間: 2022-6-14 02:13

本帖最後由 kennyleunghk 於 2022-6-14 02:19 編輯



    咦? 我真心想知你點計出黎
200x 年車2萬, 2014年車4萬, 大家揸2年架2014年車會賣返出去會cheap 過200x 年車?
低車齡低手數仲平過高車齡高手數係點做到?sorry, 我理解唔到你個邏輯

---

作者: billyyau    時間: 2022-6-14 09:58

唔計Total loss，日本車買新車的話，每年嘅使用成本其實跟二手車相差不大，因為日本車二手價企得硬。
例如2017 Jazz RS全新當年賣十九萬有找，今日二手價都要十萬。
換言之每年成本萬零蚊，已包五年保養，齋俾check車錢，乜都唔駛煩。
二手車年年驗車加保養維修，分分鐘每年成本都要接近呢個價錢。

---

作者: upatchow    時間: 2022-6-14 11:16



最主要要多左電車個一換一

依家2萬樓下既車, 揸兩年, 就算架車無問題基本上都搵唔到人接, 因為學你講真, 太殘, 唔值

但係一換一賣QUOTA 個收得番1萬, 之後劏車都本身都收得番5-6千(前提要自己攪, 如果比中介公司就少多好)

但係一架4萬蚊既車, 揸多兩年, 車價跌到得番2-3萬, 仲要花時間搵下手車主(你賣車行咪又係蝕) 條數差唔得遠, 身邊有朋友剛剛考到車牌我都係叫佢買架2萬左右腳車, 揸兩年, 一個自己留黎一換一, 一係到時一換一收番錢仲少手尾跟

---

作者: kennyleunghk    時間: 2022-6-14 11:28




    咁個前期題係換電車, 如果本黎係打算買電車嘅我都建議有平買平
但個風險係咁殘嘅車果2年可能要維修, 一陣伏左未夠一年就打柴, 連電車都換唔到

---

作者: upatchow    時間: 2022-6-14 11:55



咁買得2手車就點都有好彩唔好彩, 唔通2014年又唔會有事咩 我架2012 GOLF咪一樣話死就死.....

兩架車都有可能要維修既風險, 至多都係搵車房驗左先過戶, 無辦法, 當打和啦~SUPER

---

作者: kennyleunghk    時間: 2022-6-15 04:49



正常黎講架車新淨D無咁易打柴唔係常識黎?
    你買架新車都有機會即時打柴架喎, 咁計

---

作者: pbfans    時間: 2022-6-15 15:54

呢排jazz個二手價升咗咁多

via HKEPC IR Pro 3.6.1 - iOS(3.0.0)

---

作者: upatchow    時間: 2022-6-15 17:30



都行得走得十幾年車200X年, 仲未壞, 200X年車多機械野, 少電腦野, 反而201X車先多電腦野, 車房佬反而唔識整, 你睇下通街都係皇冠的士, 有D車齡分分鐘仲大過依到D會員

7-8年車(10萬公里左右)先至多毛病, 就算無毛病, 咩CAM帶, 波箱油都夠期要換

當然, 衰起上黎, 新車落地都可以即壞 咁計真係搭的士算

---

作者: jazz2014    時間: 2022-6-16 07:53

其實時間不停向前 200x 都就黎20年唔係話佢掂唔好 ，係佢地係好耐用….但開會都會老既 ..金屬疲勞既 有d野係舊左就舊左接受現實吧

咩冇電子野 機械野
機械野係壞左冇燈話你知唧唔係冇問題嘅
唔揸返架1960出黎？

---

作者: Healing    時間: 2022-6-16 08:14

本帖最後由 Healing 於 2024-3-31 10:36 編輯

delete to post

---

作者: mo9394    時間: 2022-6-16 08:16

本帖最後由 mo9394 於 2022-6-16 08:25 編輯

養兩個月車都萬幾蚊喇. 計幾年車價相差嗰一兩萬真係無乜意義. 駛多左又唔係好多, 駛少左又慳唔到幾多.

自己覺得新D 車開心就開心, 覺得舊D 車感覺良好就感覺良好.

個人認為, 呢D 年份車整一整車都四五千蚊落樓. 整落部萬零蚊車會覺得好唔抵咁喇.


七八年車你自己打理得好, 渣到佢十七八年都好健康.  有D 車里數低到三四萬都唔奇.   七八年車, 0 字牌簿, 接近全原廠保養, 相對容易搵到. 買新車的人好怕驗車, 佢地夠期就換車, 俾D 時間慢慢搵就搵到好野. (特別係相對大CC 的車, 如果唔係日日渣一定要勁慳油先得, 我會揀大CC, grade 唔同, 設備好好多, 而二手價又平好多 )
如果買架車十七八年, 就好睇上幾手點打理了. 講平均CASE 就一定比較難撞到好野.

---

作者: kennyleunghk    時間: 2022-6-16 23:16

本帖最後由 kennyleunghk 於 2022-6-16 23:18 編輯


有人話識check就無問題喎
我心唸, 而家講緊新手買車......點計都買架車齡新D穩陣D掛.....
下下都要計劏黎換電車....同意吖, 點解唔揸返架古董

---

作者: kennyleunghk    時間: 2022-6-16 23:20

本帖最後由 kennyleunghk 於 2022-6-16 23:43 編輯



    你都幾有趣, 咁你係咪唔建議人買新車?
用你嘅邏輯永遠都要買廿年車?

---

作者: jazz2014    時間: 2022-6-17 03:26

本帖最後由 jazz2014 於 2022-6-17 03:28 編輯

我係講緊點解仲要搵d20年車

你睇返我以前既post 100%叫新牌買新車

有咩報？你仲有趣啦

上個留言人地都明我叫人買新車

---

作者: mo9394    時間: 2022-6-17 09:34

本帖最後由 mo9394 於 2022-6-17 09:36 編輯


分身account??

定係佢開頭quota 錯你reply?

---

作者: lyh1993    時間: 2022-6-18 00:43

本帖最後由 lyh1993 於 2022-6-18 01:03 編輯

真話可能唔岩聽 如果你4雞拎到返黎都2014車 係咩車?
你話日本車0X年又唔抵玩 我有fd拎到2008 E90都兩雞尾 另一個fd 拎部2010年 mk6 tsi又係兩雞中
佢地買得呢D車都係預左唔會再有下手 你自已諗我當你搵跌得最快golf tsi 2014 5雞走唔甩 玩兩三年再放都係兩雞 咁你輸幾多 仲要大吉利事衰波箱仲要加雞半唔知整唔整 唔計你整波箱放出去輸兩雞半
你出2009 2010 兩雞 兩雞半拎返黎 玩完一係換quoter 一係湯 都執返幾千一雞 又無煩惱又唔洗約試車
我同班fd係粗咪腳車 就係計過咁玩先抵
早三到年有個fd 7000收部 mazda 323 玩左年幾部車無力 放左12000蚊被個牌佬掛港珠澳
玩完仲升值

---

作者: lyh1993    時間: 2022-6-18 00:56

本帖最後由 lyh1993 於 2022-6-18 01:05 編輯

新手買車先要買舊小小 唔怕hi花肉赤 渣熟左多D馬路經驗先換部好 or新車
身邊朋友就係有個例仔 個妹P牌 被佢渣部E仔夠好啦
轉下頭係停車場撞左份頭 咁又幾雞野 不過最緊人無事

另外有個朋友又係 屋企出左部新honda suv  玩左3年最近搵我幫手睇部車
佢自已小渣 細佬拎左去用 部車花曬 有D hi牆hi到入肉 膠沙版幫佢換件算 門有兩隻噴過
真心放出會有好價咩

---

作者: jazz2014    時間: 2022-6-18 09:21


我點知呀 我洗咩分身 好得閒咩

我有我買新車 佢有佢老爺機械車????

我之前真係好多post 叫p牌唔熟車買新車係好合理因為又唔熟又起碼唔會咁快壞手，只係一聽到新車就 好似…..唔好啦掛既心態

---

作者: mo9394    時間: 2022-6-18 09:57



外人睇, 佢唔係RE 緊你佢RE 緊upatchow, 你自己話彈出黎覺得佢話緊你, 所以問你係upatchow分身, 定係佢第一次QUOTE 錯左你後尾改左



圖片附件: 螢幕擷取畫面 2022-06-18 095549.png (2022-6-18 09:57, 140.34 KB) / 下載次數 118
https://h2.hkepc.com/forum/attachment.php?aid=2325855&k=f2fed5e3864eb295acb2edbad7ca39ab&t=1781554148&sid=484BCzE3TR

---

作者: kennyleunghk    時間: 2022-6-18 17:51

本帖最後由 kennyleunghk 於 2022-6-18 18:02 編輯



    咁得意? 買架車借俾人hi花關買新車舊車事?
另外我真心唔知2萬同4萬咁平嘅車怕hi花為乜
anyway, 我女人買果架4萬14年車, 揸左成年無hi花過囉
我比較好奇點解買車嘅出新發點一定係短期內換車或者一定撞花
新手唔可以鍚車?

---

作者: kennyleunghk    時間: 2022-6-18 18:00




    係囉, 係咩車? 上架果時車房check車果個師傅都驚奇點解可以咁新淨囉
真話其實啱聽嘅, 前題係講得合理啫
同回應前面位師兄一樣, 如果要計輸幾多, 點解有人會買新車?
anyway, 如果你當2部相差6年嘅車係同樣揸法嘅話, 當我無講

---

作者: kennyleunghk    時間: 2022-6-18 18:01




    師兄, 我個post 完完全全唔係回緊你喎

---

作者: lyh1993    時間: 2022-6-18 21:25


意思係 如果你唔係渣到湯 預左會換車 新牌買舊車練住先真係花左炒左 都唔會太肉赤
到熟左 先換部好D姐
我入D車谷 P牌渣得唔太熟掛 一個月都有兩三個問撞花hi花換野幾錢
是旦啦 新牌可以錫車  大把有錢人都係P牌超跑 P牌 G wagon  Tesla  
我都渣左10年車 渣到10號牌 Touch wood 無hi花過 或許我幸運

---

作者: lyh1993    時間: 2022-6-18 21:44


個個人價值觀唔同 一講cp值 一定係嘈交
有D人渣車係去威 平車點得
有D人係方便出入 地盤腳車都無所謂 有錢都拎去其他地方洗唔用係車
姐係有10萬唔一定10萬玩車 可以分佩3萬玩車 3萬玩相機 3萬玩電腦
有D人係養車為興趣 唔介意輸幾錢都有買新車
同樣有人話供車抵可以張d錢去投資 有人玩一炮過抵 唔洗被利息 一樣
咁的確我D朋友全部日日行高速返工 D車真係一個月千尾 2000km 真係腳車

btw 你話收車新淨唔奇 有fd 15000收左部2010 mazda sedan 所有車椅皮無爆 上手仲用布套套住
我D fd同車房都話 收到sunday car 真係講運氣

---

作者: kennyleunghk    時間: 2022-6-18 23:08

本帖最後由 kennyleunghk 於 2022-6-18 23:12 編輯



    真係視孚你點睇啦
新牌仔擔心hi花架車多D, 定係買返黎架車有問題多D呢? 講真我自己真係唔理解5萬樓下買架二手車返黎怕hi花係咩玩法(我女友都係哩種人)
我就擔心架車有問題多D啦, 差果2萬真係差好多咩? 計下停車場油錢條數又真係唔係好多, 我真係情願俾多少少好過, 個問題係, 差果2萬蚊個車齡真係差左好多年
200x年車有乜問題樓上D師兄都講晒啦

都係果句, 如果本黎預左短期內就換車嘅, 我都同意有平買平

---

作者: upatchow    時間: 2022-6-20 09:35



本人沒有分身~只此一家

只係有D POST唔駛浪費時間無D唔講道理既人講, 人地鐘意拎4萬買架14年車, 又或者2萬買架再舊D既車, 又或者P牌仔買架法拉利都得, 唔關我事

但係4萬蚊買架車, 揸多幾年就變成佢口中果D2萬蚊既舊車, 佢自己都唔想買, 然後叫人點放? 倒不如一開始買架2萬左右腳車操住先, 過多一排, 有信心左先慢慢決定再換咩車, 自己換電車又好, 到時賣QUOTA又好, 唔駛蝕咁多

就係咁簡單, 佢講到2014年唔會壞09年先會壞果到頂癮, 講多兩講唔夠講就叫人買新車, 咁都得不如交返個牌出黎搭的士算數

---

作者: mo9394    時間: 2022-6-20 09:39

本帖最後由 mo9394 於 2022-6-20 10:09 編輯


個人黎講唔同意你話七年車同十幾年車會無分別

我上一部七年車接番黎五萬蚊, 渣到十七年車, 開始多野壞, 唔想整湯左算.  頭六七年 (即係七年至十四五年車)真係接近零維修 (淨係壞左個防盜喇叭, 整左幾百蚊). 但十五六年就開始多野搞, 冷氣喇, SENSOR 報系統太稀 (即係喉管漏氣計錯數), 中控開始行駛中reboot 之類, 開始年年都要整.  問題都唔係整幾多錢, 而係乜問題有安全性, 乜問題無安全問題, 可能稍後先整, 對P 牌唔熟車黎講, 感覺相差好遠, 車都未操熟仲要學埋整車.

五萬到十萬的車, 當然講彩數. 另外睇車款, 睇CC 等等二手市場受唔受歡迎.  你搵最熱門又四萬嗰D 幾年車, 市價根本唔係呢個位, 當然易中伏買中架有問題的車喇.  但係你話二線牌子, 大CC, 同埋車型近年唔興的房車之類, 五六萬好多勁新, 兩三萬公里的盤都唔奇.

另外你話大不了湯車換quota , 好易, 如果唔壞, 唔一定要用車就係LOR. 但係賣quota 要hold 車十八個月以上. 賭一賭用唔用到十八個月. 壞左唔去維修, 用唔到, 除非你係村屋喇, 否則白蝕停車場

十幾年車就預一年可能俾一萬蚊整車, 今年好彩就下年無咁好彩咁.  車價如果相差一兩萬之類, 搵到架新的, 不妨考慮架新少少的車, 反正四五年後埋單都可能一樣. 無論外觀好睇D 喇, 另外安全性呢十幾年好多都提昇左 (氣袋都多左之類)之類, 都係一個保障.

如果你話兩萬蚊, 預自己渣廿四個月就一定賣/湯, 咁你的睇法都OKAY. 買最熱門嗰D 唔太理condition, 大不了賣番出去都平手.
但一架四五萬的車, 好多時唔會只用得廿四個月咁少.  好視乎打算用幾多年, 真係可以比較長時間使用, 壞左照正常咁整, 整完幾年內唔駛話一定要湯, 自己享用得番相關"新零件".

---

作者: mo9394    時間: 2022-6-20 10:12

本帖最後由 mo9394 於 2022-6-20 10:27 編輯


"btw 你話收車新淨唔奇 有fd 15000收左部2010 mazda sedan 所有車椅皮無爆 上手仲用布套套住
我D fd同車房都話 收到sunday car 真係講運氣"

其實二線牌子 sedan 都真係易搵到, 不過車型計, 真係除非勁抵買, 否則如果搵到同價位, 都未必建議買sedan (BMW/BENZ 番工用除外), 用途比較窄.  

另外, 椅皮點解咁易爆? 我湯左部2004 年車, 十七年mazda 6 都未爆 (粗用, 小朋友carseat 都係咁裝拆無加野套住). 其實原裝皮無咁爆, 但如果買其他牌子, 日本本身係絲絨, 香港版夾硬包唔係好算原裝的皮椅嗰D 就難講.

唔心急, 手頭鬆少少唔好計盡幾千一萬, 俾D 時間搵新淨的車唔難.

例如我上年十一萬買到架 2018 七人車, 只係行左萬五公里  (車主住村屋, 花園泊到兩架車, 假日先用下七人, 平日用細車多, 趕住移民走減得比較爽手), condition 同一年新車無分別, 賣之前一個月仲番左原廠做last 一次保養package (佢話俾左錢唔好蝕, 明知賣都用埋佢).

---

作者: upatchow    時間: 2022-6-20 15:56



都係架, 但係剛剛考到個牌返黎, 車型車款咩都唔識, 自己又無慨念既, 甚至呼有D係為左"SHOW OFF" 試下駕駛, 溝下女ETC....就真係搵架車用下先啦, 我有朋友試過去自己一個人去九展買左架328i返黎揸左2次, (第1次揸返屋企個停車場, 第2次係出街食飯)之後無用過車 (因為佢要我去佢個停車場幫佢搭電救車我先知佢買左車)

最後放左係停車場白交租4個月, 頂唔順放左蝕左差不多8萬蚊(九展本身比人MARK高左, 貴買平賣, 仲未連停車場錢)

有心揸車又有曬方向既, 駛鬼上網問人咩, 自己一早買左揸緊添啦, 樓主(請睇番第一頁)就係15/16唔知點買好先上黎問意見, 連自己會揸7日7個月7年定17年都唔知既, 係考慮洗費同將來既可能性下, 平平地買架錢七操下車 (請小心駕駛, 唔係錢七就拎去舞龍, 靚車先要錫, 總之揸得車係司機就一定要小心, 錢無左事小, 真係有咩意外, 害到人自己又有機會要負上法律責任) , 再了解一下每個月洗費, 油鐲隧道停車場同牛肉干先, 有信心啦, 知自己想要咩啦, 咁咪再換車LAW, 換個角度, 好似我朋友咁, 揸左幾個月, 根本用唔著又浪費) 到時2萬蚊車咪試下放上網, 又或者唔想煩直接劏左佢, 收番幾千咪當去左個旅行LAW, 牌費蒸梳又有得回番部份

當你從唔識車到你揸左一年多少少, 兩年左右之後, 咁佢到時想換車既, 買架10萬左右既2手車又好, 買架電車又好, 買架法拉利都好, 多多少少都會有個方向而唔駛問人LAW, 重點係到時架舊車點甩手先?

4萬蚊車揸兩年蝕2萬, 仲要自己POST上網求售又要試車又盛...

2萬蚊腳車, 揸左2年, 直接劏左佢, 賣個1換1比人, 劏車本身都收到幾千

咁邊樣著數?

唯一既問題係可能有D朋友"揸開有感情"唔想放既, 如果架車行得走得無事無幹既咪一路揸落去LAW, 然後就會講, 早知當初就買架好D既2手車就好啦, 最衰聽左網友講買架2萬蚊既爛鬼錢七, 咁依D野就好睇個人, 無人話買完車唔可以換車GA MA

至於2萬蚊2手車會壞, 唔通4萬蚊2手車唔會壞WOW邊個敢保證?

---

作者: upatchow    時間: 2022-6-20 16:04

講開2萬蚊樓下, 我首推200X年份SIENTA, 7人車

電索門(原廠無要自己裝/搵車房)

好多野玩, 仲可以用黎車中泊

有個做電工既朋友舊年年尾買左架, 見住佢慢慢改下改下野, 氣分燈, 打立, 自己貼PPF拉花, 大車MON換避震, 有心都可以玩得好靚仔(車價萬4, 佢自己加野改野應該過左2萬)

---

作者: mo9394    時間: 2022-6-20 16:10

本帖最後由 mo9394 於 2022-6-20 16:14 編輯


只能講, 一部部車睇型號, 睇年份咁睇, 唔好齋講價錢.

雙田細CC 一向比較搶手, 任何年份二手價, 在香港都會比其他牌子同年份同級數高. 如果打算長渣, 零件換左新的零件自己都用得番幾年, 咁呢D 差價都抵玩, 貴買貴賣.

好老實講, 買得雙田個差價, 就包埋預左放番出去好價先買, 多過直接拎去湯, 貴買貴賣, 長用為主. 雙田細CC, 本身幾好賣, 兩三萬外觀condition 唔太好的好多賣得出 (其他機件OKAY 的話), 好少需要賣到萬幾蚊, 雙田零件都有價有市, 好似你咁講, 劏車一萬, 零件四五千, 都萬幾蚊喇, 做乜要萬幾蚊賣俾你.
雙田去到咁低價的盤有問題的一定比較多, 熟車識整識玩都可以, 唔熟車就唔建議.

二線牌子, 真係少人有興趣, 有 D 萬幾蚊, 知道好難放番出去, 就睇預自己渣幾多年. 搵乜價位就自己決定番, 但同年份比, 應該比雙田抵買.
較冷年的牌子, 零件無人收, 咁預湯車價預左收唔到幾多. 但張劏車紙一萬, 一萬一左右近年都穏陣. 劏到二三千都算, 但冷門牌子, 買入價都分分鐘比雙田平一萬 (勁舊), 或者平兩三萬 (合理新舊, 十年左右車)咁.

---

作者: mo9394    時間: 2022-6-20 16:14

本帖最後由 mo9394 於 2022-6-20 16:47 編輯


我親戚部車壞冷氣壞左幾次. 整到煩換新sienta.

其他野就無乜, 簡單車仔一部, 操車黎講, 舊一代反應麻麻的CVT 同力水唔夠, 感受唔好LOR, 好實用但太實用的移動工具多過一部操車的用途.
早一代CVT 我覺得對新手黎講唔友善, 0-50 加速反應太慢, P 牌用佢出路口, 迴旋處反而危險, 俾左油都唔太去, 新手預空間同俾油時間,要追番合理車速有D 難度 (預多幾秒空間). 有番一定經驗, 俾油要預時間佢spin up 之類, 對老手, 為左慳油而有所以取捨就可以接受.

近幾年CVT 全部都用左不同方法去搞 0-50, 好用番好多, 正常番.  如果買舊車, 有得揀, 其他車款買 4AT 5AT 仲好.

---

作者: upatchow    時間: 2022-6-20 16:56



冷氣好最重, 不過無辨法, 2手車, 都係果句, 買之前搵車房跟一跟先, 又返番去唔通其他2手車個冷氣唔會壞?邊個敢保證?

計壞冷氣BENZ BMW 同VW個冷氣8-9年係包漏雪種咁點計?

雙田好就好左香港比較多人揸多零件同多車房識整

至於又係性價比問題, 樣樣都加少少錢, 就好似某會員咁叫人不如買新車啦

---

作者: mo9394    時間: 2022-6-20 17:58

本帖最後由 mo9394 於 2022-6-20 18:25 編輯


都係重覆嗰句
"只能講, 一部部車睇型號, 睇年份咁睇, 唔好齋講價錢."

你講起sienta 又同講下之嘛. 我親戚部就四年整左三次冷氣.
其他車款其他年份我知唔晒喇, 部部車不同年份都會有不同的常見問題, 買之前問下真係用過的朋友咁解.  唔係話一定唔壞, 但sienta 我自己睇就會留意下冷氣喇

萬幾蚊車俾車房跟D 乜野. 換乜都唔會想換喇. 同你講冷氣唔夠, 就壞, 你都係搏下佢幾時真係壞多.

sienta 早期款未有行貨, 水貨入口, 當年有水浸車, 有翻新車等等, 要識買先好
當年, 十年前鬆D, 我去過錦田嗰D 番新車車房揀車, 好幾架PORTE, SIENTA 佢地翻新緊, 有幾架表面好殘之類, 或者成個車身拆左, 佢地換左D 零件, 包過晒D 座椅之類, 話執好可以賣七八萬左右, 落訂就加速兩三星期後砌好出牌 (事實唔知幾時先出到)俾我, 包一年保養之類.

間車房如果自己幫襯開識人就好LOR, 唔係的話, 真係唔知買到乜番黎.  整左八九成, 差少少未埋尾都唔奇. 如果玩開車, 有乜古怪FEEL 到未整好, 番去叫人整都仲得, 新手就麻煩喇, 點識咁多野.


當然, 你都可以話, 行貨車唔俾水浸過架咩, 唔俾換過晒野架咩.

---

作者: 潮流教主    時間: 2022-6-20 19:42

不如買細踢玩

---

作者: gn01119056    時間: 2022-6-20 21:36

我自己建議最抵係買2-3年既車

我自己兩次買過3萬蚊既車, 揸兩年賣返出去仲有賺, 不過要好比心機搵平車, 唔可以咁計

有朋友買2萬蚊車, 比人撞左幾次私了, 已經賺左幾萬蚊

有朋友買3萬蚊golf, 3個月後要大修去左劏車, 3萬就無左

正常情況下, 新舊車既支出其實唔差太多, 因為最貴係車位
買越新既車係越抵

有些人覺得買平車會安心些, 咁未買平車玩下, 無乜問題, 最緊要自己鍾意

好似電話咁, 貴買貴用計數係更抵玩,

但有些人又鍾意買平機, 跌落地比人偷左都唔心痛, 最緊要自己用得安心

每個人價值觀唔同, 用得安心都係一種價值

---

作者: billyyau    時間: 2022-6-20 22:02

老實說，今時今日仲講新牌要買陳年腳車操真係不合時宜。

除咗車價平之外，其他使用成本一定比新車高得多，例如計油錢，新車油耗一定比舊車理想，有返咁上下車齡老化就再食油啲添，如果里數高就知油錢差別有幾大。

再者，嗰啲陳年舊車乜安全設備都冇，新車有防追撞lane keep嗰啲安全設備先係幫到新牌操車避免碰撞，舊車連後泊鏡都冇，泊車一撞花其他車，嗰條數仲襟計。

---

作者: R跑車    時間: 2022-6-21 16:27




以成本計..如果用得多你計法係正確

如果用得少, 例如假日車, 個成本就可能二手車較低

---

作者: lyh1993    時間: 2022-6-21 19:10


真心要練車 無雷達無後波鏡先有用 依賴哂科技仲等同無練
十年前我都係渣無鏡無雷達睇燈影做人 無ABS行雪地 都係咁一路上到渣大車都係咁

via HKEPC Reader for Android

---

作者: ckkong97    時間: 2022-6-21 22:05

本帖最後由 ckkong97 於 2022-6-21 22:07 編輯

依賴科技就梗架啦，自從香港養車以黎，架架架車都有後波雷達近兩架仲要有前後sensor 加後鏡頭，有年去沖繩架corolla hybrid 後波雷達同鏡頭都無，去大家無街燈堅唔掂，真係估估下，唔知仲有幾多跌落田 不過再去已經有燈加上係架harrier 乜都有，有次去九州租note epower 仲360鏡頭真係盲既都泊倒車 淨望住個中鏡睇360已經夠

再講，二十幾年前多倫多讀書開過三年車雪地無abs 都係咁開

via HKEPC Reader for Android

---

作者: billyyau    時間: 2022-6-21 22:32



一步一步嚟先叫練，一步登天只會更易出事故。
熟習後，反而呢堆安全系統就真係非必要，但對新手就點都係利多於弊，除非大把錢唔怕賠。

---

作者: billyyau    時間: 2022-6-21 22:44



重點係，當成本相若嘅時候，點解仲要高價買架陳年二手車嚟煩自己。
操車首先要有合適嘅工具，陳年二手車除咗賣價平（唔代表使用成本平）之外，根本對新手絕非一件合適的練習工具。

個個剩係識得教新手平車唔怕撞花，但又冇諗過欠缺安全輔助系統先係其中一個好大嘅撞花原因，新手本身已唔熟路面環境，仲要兼顧埋架舊車本身各樣問題，完全係本末倒置。

---

作者: lyh1993    時間: 2022-6-22 01:01


三年前都沖繩租部spade 又係乜都無 不過我都係加拿大習慣左乜都無
所以跳上車都係咁渣 最多倒車申個頭出去望

不過我見自已朋友渣車都無乜距離感 所以有次去韓國租部7人車 平路就個女仔fd渣
泊車同D窄路入村去bnb 都係我渣

---

作者: gn01119056    時間: 2022-6-22 02:47




    人地話地球係平既未由佢, 又唔係用你錢買, 岩定錯都好, 點都搵到野反駁你

就算人地鍾意唔用GPS, 鍾意拎本地圖出黎搵路, 鍾意無冷氣又關你咩事呢