作者: s42715 時間: 2020-10-5 17:43 標題: 車行買二手車
岩岩P牌 又唔熟車(身邊都冇朋友熟車..)
無知想問下
0係車行買二手車 (如大昌、mycar, 非車廠二手車),成日都話好易被人呃,有冇朋友有經驗係買完冇問題架?
其實因為好似車行買,佢會一條龍幫你搞晒牌費、轉名、燕梳等等?
如28car私人買賣就逐樣自己搞?
(我其實主要唔想曬左一日AL 去運輸署
....同埋有人搞晒D野係好方便...)作者: TimCook 時間: 2020-10-5 18:08
本帖最後由 TimCook 於 2020-10-5 18:10 編輯
我買賣，都係 28 or FB，但我亦唔介意車行，睇情況。自己搞，話易唔易話難唔難，真係視乎自己點諗，如你所言，唔想嘥一日時間，咁車行幫倒你，但唔好介意車行會賺你錢，車行會有保，視乎你幫襯嘅有幾大規模，價錢亦都反映質素及服務，永遠一分錢一分貨，莫心存僥倖。有啲人好介意俾人賺自己錢，一蚊都接受唔倒，咁就最好自己親力親為。仲有，錦田元朗八鄉嗰啲車行就唔好去啦。
作者: TimCook 時間: 2020-10-5 18:17
回覆 1# s42715
另外有一個做法，你可以上網搵啱，再搵車房幫你去睇車，亦視乎你買嘅車款，有啲專整某一款車嘅車房，佢當然會專啲，例如你係買 BMW，就搵比較專整 BMW 嘅車房，搵佢幫你去睇車，但一定係收費。
作者: jazz2014 時間: 2020-10-5 18:26
不如你講下自己咩 筆直先啦 咩要做先
大昌 九展 既二手車 分分鐘買到架全新車
新車一定唔會有問題有野點都同你跟
Ps 呢個世代 新車都好平 乜都同你攪晒，新牌都冇問題 ，你估中幾廿年前 二手車平
我都成日去大昌九展...望完個人好離地
作者: s42715 時間: 2020-10-5 18:35
回覆 3# TimCook
原來可以咁? 冇相熟車房都可以?俾錢就OK?
作者: s42715 時間: 2020-10-5 18:59
不如你講下自己咩 筆直先啦 咩要做先
大昌 九展 既二手車 分分鐘買到架全新車
新車一定唔會有問題有野點 ...
jazz2014 發表於 2020-10-5 18:26
我都諗住去大昌九展望下既..(不過全新車真係未必考慮, 全新落地就已經折舊..感覺好唔抵)
因為我唔會日日揸, 最多預11-12萬左右
其實我係了解定先, 好大機會出年甩P先會買!
作者: sandman.t 時間: 2020-10-5 19:23
大昌應該相對穩陣d, 以前去長沙灣d二手車場買車, 架車d壞處都比佢講到係優點
作者: Kan.Ho 時間: 2020-10-5 19:51
私人同車行一樣非常多古惑, 買車係要比較小心, 但最多古惑野就係車行扮私人
點解要扮? 因為車行古惑比私人多十倍
除非係難搵或難私放既二手車款
否則通街都係既車款, 搵車行買只係比錢人賺, 佢亦唔會理會架車狀況, 只要賣到比人就得, 撥錶噴油, 漏油執完已經好難睇, 私人一般好少攪咁多花臣, 一係唔整, 要整不如整好自己揸
大昌會唔會唔一樣
? 而家網上講野都咁危險我就唔多講, 要講既上面都講晒當然會有靚盤, 但佢地mark up既價只會一定非常高, 因為佢收車價都好高
作者: TimCook 時間: 2020-10-5 21:13
回覆 5# s42715
相唔相熟都應該要俾錢，除非屋企人啦。搵一搵網上車會，你想買嗰款車，再去問吓啲會友，佢地都會熱心幫你嘅。
作者: jazz2014 時間: 2020-10-6 00:05
我都諗住去大昌九展望下既..(不過全新車真係未必考慮, 全新落地就已經折舊..感覺好唔抵)
因為我唔會日日 ...
s42715 發表於 2020-10-5 18:59
小年左啦 都話左唔好用廿之前既諗法囉
2手車唔蝕??天真 你聽日講旦本車耐用 易整 買左2手當你3~5年 再冇一半 即係 新車20萬 你買架10萬到你唔要啦可能我返2~3萬....
你未買車不過 都建意你 (起碼 你唔洗去攪保險 牌費 買到2手死壞車，頭6年唔洗驗車)un un腳就得
10萬夠 KIA 操下車 起碼頭5年 唔會因為壞左唔整到已劏左架車(到時得個吉)我見過唔小...撞爛左搵件貴架車最後劏得
作者: gn01119056 時間: 2020-10-6 09:22
大車行/代理問題會少些, 但多數貴些, 例如大昌
beyond car, mycar寄賣車還可以, 價錢唔貴, 都預左有小問題要整
想最平一定係28car自己搵, 好多時睇人多過睇車
宜家有上門驗車已經好好多, 但小問題一樣難驗到, 或者驗到都唔同你講, 最好預返些錢去整車
驗車錢千萬唔好慳, 自己上youtube睇下點睇有無大撞, 各車款大小問題要做功課
唔想煩就買新車, 買二手車一定要做research
作者: kanduki 時間: 2020-10-6 12:15
本帖最後由 kanduki 於 2020-10-6 12:35 編輯
我都諗住去大昌九展望下既..(不過全新車真係未必考慮, 全新落地就已經折舊..感覺好唔抵)
因為我唔會日日 ...
s42715 發表於 2020-10-5 18:59
真係驚折舊
開始應該買架2萬以下牌費長嘅舊車體驗下養唔養到先
覺得ok嘅出年就繼續養或者換過架
覺得養唔掂嘅隨時收手劏咗佢都係輸有限$$
作者: gn01119056 時間: 2020-10-6 15:02
本帖最後由 gn01119056 於 2020-10-8 08:51 編輯
真係驚折舊
開始應該買架2萬以下牌費長嘅舊車體驗下養唔養到先
覺得ok嘅出年就繼續養或者換過 ...
kanduki 發表於 2020-10-6 12:15
唔好買$2萬既車, 整仲貴過架車, 整完又唔值錢
1-3年既二手車係最抵買
你睇返新車折舊, 舊車維修
兩者養車成本好接近, 買越新既車越抵, 係車價比較高
越保值既車, 亦越唔抵買二手
話雖如此, 新手建議玩JAZZ, 雖然平平無奇, 但比新手入門學野非常合適
熟左市場再搵岩自己既, 抵玩既車
香港養車最少都$5千/月, UBER的士一定好好多
但自己揸車可以隨便去係取代唔到
最後都係睇錢, 自己夠唔夠錢養
未置業既建議投資存錢先
當然你想享樂先亦可以
純粹建議, 每個人有自己睇法, 無絕對岩錯
作者: s42715 時間: 2020-10-8 15:24
大車行/代理問題會少些, 但多數貴些, 例如大昌
beyond car, mycar寄賣車還可以, 價錢唔貴, 都預左有小問題 ...
gn01119056 發表於 2020-10-6 09:22
明白..
其實第一次買 又咩都唔識既話
我諗選擇只有兩個..一係車廠新車,一係二手車行
BTW, 成日聽D人講,3-4萬樓下既車驗黎都無謂,...行得走得就算
作者: s42715 時間: 2020-10-8 15:30
唔好買$2萬既車, 整仲貴過架車, 整完又唔值錢
1-3年既二手車係最抵買
你睇返新車折舊, 舊車維修
兩 ...
gn01119056 發表於 2020-10-6 15:02
鐘情MINI COOPER..但都係儲下錢先
試QUOTE左三保 P牌要$5900, 07年R56
感覺第一年玩車真係冇咁抵
作者: aleck_choi 時間: 2020-10-8 15:31
明白..
其實第一次買 又咩都唔識既話
我諗選擇只有兩個..一係車廠新車,一係二手車行
BTW, 成日聽D人講,3 ...
s42715 發表於 2020-10-8 15:24
3-4萬樓下既車先搵香港驗車（我估大概$2000）係咁意睇/驗下，過幾個月夠期續牌就大驗，不過到時執正部車條條數就嗱痢喇……
作者: gn01119056 時間: 2020-10-8 16:13
明白..
其實第一次買 又咩都唔識既話
我諗選擇只有兩個..一係車廠新車,一係二手車行
BTW, 成日聽D人講,3 ...
s42715 發表於 2020-10-8 15:24
mycar, beyond car寄賣車包埋HKMI報告, 應該大問題都會比你知 (我未買過)
大昌個價應該唔平
二手車5年以上小問題就預左一定有, , 你最好都預返每年整0~2萬 (睇你彩數)
自己可以睇下架車基本有無拆過, 龍架大撞, 睇下賣家咩人, 覺得OK就叫驗車
上門驗車好似1300, 自己唔識就最好比人睇睇, 得不償失
波箱, TURBO好多野有事就整成皮野
政府驗車好HEA, 差唔多行得就比你過
我覺得寄賣車都可以睇睇, 又有免費報告
作者: gn01119056 時間: 2020-10-8 16:14
本帖最後由 gn01119056 於 2020-10-8 16:51 編輯
鐘情MINI COOPER..但都係儲下錢先
試QUOTE左三保 P牌要$5900, 07年R56
感覺第一年玩車真係冇咁抵 ...
s42715 發表於 2020-10-8 15:30
$5900咁貴, 有無試下快而保, MINI 5年後都係漏油多
MINI都幾好玩的, 漏油通病
日本腳車悶到嘔, 但係易養好多, 係會壞但要整平好多
歐洲車好玩好揸二手車價又平, 但要付出代價, 相對多野整同貴
作者: TimCook 時間: 2020-10-8 16:52
回覆 15# s42715
咁就啱喇，我可能幫倒你。
作者: akio 時間: 2020-10-8 16:57
回覆 15# s42715
Facebook 好似有個香港mini group, 你可以join左睇下有冇group友放車。
坦白講你第一次買車, 不如萬零兩萬買架牌費長的車操下先, 未必一定要一下子就買架dream car, 因為初初揸唔多唔少都要交D"學費", 同埋有時坐人車同自己揸係2回事, 識人初初買車好興奮但揸左幾個月就話揸車壓力大皮費貴又賣車了。
作者: mo9394 時間: 2020-10-8 17:36
本帖最後由 mo9394 於 2020-10-8 17:38 編輯
私人交易就撞彩
細車行就預佢古惑多
幾萬蚊, 搵個有渣開車朋友跟跟眼就係
你買d 出名跑得下嗰d, 就風險大d. 一般家庭車, 平價車就相對安全d. 架車唔似會拎去鬥, 撞左唔會浪費工夫砌到好好睇睇嗰d, 中計機會唔大.
作者: lyh1993 時間: 2020-10-8 21:19
3-4萬樓下既車先搵香港驗車（我估大概$2000）係咁意睇/驗下，過幾個月夠期續牌就大驗，不過到時執正部車 ...
aleck_choi 發表於 2020-10-8 03:31 PM
玩平車 最好識人做驗車先有用
via HKEPC Reader for Android
作者: gn01119056 時間: 2020-10-9 09:18
養車真係好貴, 最好計好條大數先
都成5千~1萬/月
呢個時勢無多餘錢真係存下錢先比較好
作者: fkjohnny 時間: 2020-10-9 14:37
其實好多嘢自己細心啲睇下留意下,都睇出有冇問題,車底就鏟上博,帶個電筒仔自己捐入去睇睇囉
作者: aleck_choi 時間: 2020-10-9 15:23
其實好多嘢自己細心啲睇下留意下,都睇出有冇問題,車底就鏟上博,帶個電筒仔自己捐入去睇睇囉 ...
fkjohnny 發表於 2020-10-9 14:37
比 $2000 叫香港驗車 (唔係賣廣告) 睇好啲喎, 呢啲錢唔好慳, 人地應該點都專業啲, 又有架撐
作者: fkjohnny 時間: 2020-10-9 15:39
比 $2000 叫香港驗車 (唔係賣廣告) 睇好啲喎, 呢啲錢唔好慳, 人地應該點都專業啲, 又有架撐 ...
aleck_choi 發表於 2020-10-9 15:23
HKMI得啖笑啦師兄
作者: aleck_choi 時間: 2020-10-9 15:47
HKMI得啖笑啦師兄
fkjohnny 發表於 2020-10-9 15:39
咁等高人指點喇
作者: ChungSon 時間: 2020-10-9 16:05
我當年都係hkmi
如果你唔係揸開車，又無相熟車房
其實我覺得無乜問題
作者: s42715 時間: 2020-10-9 16:35
養車真係好貴, 最好計好條大數先
都成5千~1萬/月
呢個時勢無多餘錢真係存下錢先比較好 ...
gn01119056 發表於 2020-10-9 09:18
係呀 計唔掂條數..計下計下好多洗費咁..
每月固定支出=屋企停車場+公司停車場 (如果唔係日日揸, 一個月3-4日 用日汨得唔得?)+油錢+隧道費
仲有D咩...?
雖然見到個支出嚇一嚇
但一諗起咁辛苦考到個牌唔揸又會生梳,又手痕想揸下車, 就會忍唔住又上28睇下D盤.......
作者: s42715 時間: 2020-10-9 16:36
咁等高人指點喇
aleck_choi 發表於 2020-10-9 15:47
咁另一間IPMC呢?
作者: s42715 時間: 2020-10-9 16:38
我當年都係hkmi
如果你唔係揸開車，又無相熟車房
其實我覺得無乜問題
ChungSon 發表於 2020-10-9 16:05
係咪多數初步睇完車冇問題,再同賣家另約一日去驗?
定通常第一次出黎睇車都可以約埋個HKMI師傅去?
作者: s42715 時間: 2020-10-9 16:38
回覆 s42715
咁就啱喇，我可能幫倒你。
TimCook 發表於 2020-10-8 16:52
CHING點幫到我
作者: s42715 時間: 2020-10-9 16:42
$5900咁貴, 有無試下快而保, MINI 5年後都係漏油多
MINI都幾好玩的, 漏油通病
日本腳車悶到嘔, 但係 ...
gn01119056 發表於 2020-10-8 16:14
我就係QUOTE快而保呀 個AGENT仲要話如果係S版本有機會貴D(或者出唔到保險)
唔知AIG/中國平安會唔會平D?
日本車睇唔上眼..唔鐘意既話 揸黎冇樂趣
同埋聽人講鋼水問題, 見D交通意外 歐洲車炒左都冇日本車咁傷?
作者: fkjohnny 時間: 2020-10-9 17:01
本帖最後由 fkjohnny 於 2020-10-9 17:03 編輯
咁另一間IPMC呢?
s42715 發表於 2020-10-9 16:36
都係一樣貨色架啦,都係睇下啲大路嘢,例如三油一水,睇下brake皮,睇下四條呔,睇下啲油七,睇下冷氣出風口温度咁囉, 架車有無暗病,最重要既嘢例如引擎波箱底盤有無問題,佢哋都一樣唔會check到
作者: fkjohnny 時間: 2020-10-9 17:13
係咪多數初步睇完車冇問題,再同賣家另約一日去驗?
定通常第一次出黎睇車都可以約埋個HKMI師傅去? ...
s42715 發表於 2020-10-9 16:38
你唔落訂,我諗都無咩賣家願意俾時間你去驗車喎
作者: dixon323232 時間: 2020-10-9 17:35
日日返工放工都見人塞哂係吐路港
作者: TimCook 時間: 2020-10-9 17:43
回覆 32# s42715
我係用家，叫有少少經驗，可以俾一啲意見你參考吓，但你心目中打算係點先？邊代？價錢？
作者: TimCook 時間: 2020-10-9 17:46
回覆 33# s42715
你係 P 一定貴，雖然 Mini 唔算係高危車，但始終兩門，佢五千幾肯受你你都快答應啦。
作者: TimCook 時間: 2020-10-9 18:06
回覆 18# gn01119056
Mini 漏油係通病？漏乜油？
作者: TimCook 時間: 2020-10-9 18:11
回覆 31# s42715
好多時，上呢啲科林問嘢，都會有好多山唉，直接打去問吓個流程，仲最好去車谷度問吓用家，真實好多。
作者: kypywk 時間: 2020-10-9 18:46
本帖最後由 kypywk 於 2020-10-9 18:54 編輯
新牌仔,錢多買新車仔十零萬的一手一腳用7年可以考慮,但保險費很頭痛,全保又肉赤,唔全保又擔心。另一方法,一於唸架兩皮野樓下腳車(一定要驗左車的),咁起碼玩到一年,有驗車紙在手的差極都好,一年後執執佢段估都玩多一年。兩皮鬆D玩到兩年,除開一K一個月(淨車價)當租車,挽吓手兩年後揸去劏都仲有三兩仟回尾。找咩驗車佬一兩仟人工去驗架兩皮野腳車真無謂,自己先不要約什麼試車,開門見山同賣家講自己行去停車場望一望先,唔太乜皮乜骨,望望兩條車腰線條直唔直,地下有無油積。ok的話再找個揸車揸得耐的朋友,又開門見山同賣家講行一轉,上吓斜,落高速踩深小小油門,如果無咩怪聲,轉數又正常,冷氣又用到咁已經ok了,。玩到兩年除笨有精,咁兩年後你已知養車使費若干(不計車價),兩年後手車又叻左D,咁到時你已知自已要換咩車了。
作者: 神奇嬰兒. 時間: 2020-10-9 18:53
車行買二手車，記得唔好貪平
舉例市價20萬，賣18萬實有古怪
via HKEPC Reader for Android
作者: lyh1993 時間: 2020-10-9 22:10
我就係QUOTE快而保呀 個AGENT仲要話如果係S版本有機會貴D(或者出唔到保險)
唔知AIG/中國平安會唔會平D?
...
s42715 發表於 2020-10-9 04:42 PM
cooper s定位係性能車無計 等於四門GTi保險都一定貴過四門TSI.
via HKEPC Reader for Android
作者: cnet 時間: 2020-10-10 07:14
我買二手車一定買私人放售，大二手車行都一樣會中伏，私放一定比車行平，中伏機會相對比較小但前提你要用時間用心去搵，係米車行玢私人其實好易識穿拒，留意下d细節位你一定分得出，我多數棟d五六年就到期驗車的零手假日車，日本車首選，有哂行既保養紀錄，再揾相熟車房上架 check吾好搵到會check個d。
via HKEPC Reader for Android
作者: ChungSon 時間: 2020-10-15 13:35
係咪多數初步睇完車冇問題,再同賣家另約一日去驗?
定通常第一次出黎睇車都可以約埋個HKMI師傅去? ...
s42715 發表於 2020-10-9 16:38
通常會再約
同個賣家夾下先