作者: carcarli 時間: 2023-3-1 14:34 標題: 想問大家單車徑超車(扒頭)規則
本帖最後由 carcarli 於 2023-3-1 14:36 編輯
事緣係本人女兒開始懂踩單車, 幾個月來多了去吐露港/科學園一帶踩單車徑, 其實單車徑有冇好像汽車在公路一定要用右邊去扒頭呢, 大家不如討論一下或提供正確知識.
(我帶番頭盔先) 我兩父女總是靠左行, 但都有"車手" 會話我地阻住哂, 又放好多難聽說話之類, 科學園段咁闊而我地已靠左 , 路面還有4/5 俾佢地"操車"
作者: mop 時間: 2023-3-1 16:01
個人見解，一般都係跟緊右面扒頭，而向前行既時候唔會兩個同一排，只會前後咁樣係比較好
但係呢啲都係講緊一般"車手"會跟既方法，租車既都係唔會點理...
所以如果你情況我會諗係唔係因為你哋兩個左右排埋一齊，所以有人咁出聲
因為要過你既話其實都踩左落對頭線度
(個人想法乍)
作者: tssy5 時間: 2023-3-1 16:30
靠左但係兩個平排的話係有可能會唔夠位比人扒頭，加上如果你話你個女都係啱啱先學識，你要睇住佢咁應該都唔會真係排單行咁行，變相對方見到要預鬆啲嚟過你，咁就有可能要越線先過到，變相逼人犯規，咁就通常都會出聲。
作者: nganshiu 時間: 2023-3-1 16:38
路面還有4/5 俾佢地"操車"
作者: nganshiu 時間: 2023-3-1 16:39
本帖最後由 nganshiu 於 2023-3-1 16:47 編輯
如車手無感到被阻住, 好難會減慢和樓主說話.....
當樓主行10km/hr, 車手行30km/hr. 速度有差難說話.
可能有某原因令到車手要減速.
和駕車一樣, 無感到被阻住. 那會有空理你.
有空反思
作者: carcarli 時間: 2023-3-1 17:38
回覆 3# tssy5
CHing, 有見地, 我就係一前一後, 基本上成條路係足夠雙向同夠位俾佢過頭
作者: carcarli 時間: 2023-3-1 17:39
本帖最後由 carcarli 於 2023-3-1 17:41 編輯
補充少少, 我會跟小朋友車後面咁踩, 基本上95% 時間係一前一後, 想講係吐公好似無一套rules 去俾大家踩車
作者: carcarli 時間: 2023-3-1 17:45
回覆 2# mop
突然醒起, 出聲的"車手" 都係約15-25歲左右 (觀感上) 的車手, 出聲的時候係過"黃色柱" 有行人過路的科學園段
作者: mop 時間: 2023-3-1 17:48
如果無其他前後故事，純粹過柱唔夠位
咁就只係佢哋無品，想你哋唔好係度姐，後生仔血氣方剛既話，好正常
個人幻想，無根據的
作者: tssy5 時間: 2023-3-1 21:37
回覆 7# carcarli
單車依家嘢冇rules架，有都係做吓樣，香港地踩單車要跟足規矩真係可以返屋企唔洗踩。
潛規則就通常都跟汽車一樣，右邊扒頭，但單車徑遇著個中間偏右線舞龍嘅，你都係要左邊扒。
不過過黃色柱如果前車太慢我一係就過對面線扒頭，一係都係收慢。通常都係有危險我先會出聲。
作者: carcarli 時間: 2023-3-2 10:22
明白呀, 不過 HK 真係少左好多俾小朋友踩車既地方, 樓下看更真係9.9 身手撲埋黎話唔踩得, 唔好令佢難做 (OK).
作者: new68u 時間: 2023-3-2 11:11
唔好話過黃色柱，就算我預備爬前面頭，我都會望下後面有冇快車/車群，如果有我會自動減慢跟前車尾俾後面過哂先，免得有任何意外。雖然理論上後面撞前面一定係後面唔啱，但搞到邊個受傷都唔好。
好多時見一二大一細(唔係講樓主)個細就靠左，個大人就45度斜後邊跟住，以防細嘅突然抽右俾後面上嚟嘅撞到，科學院咁闊都算，有時喺隧道及上落斜如果對面又有車就真係俾佢哋玩死。
又有一家大細呀爸行前，但又突然兩腳倒V向外申，後面呀媽重哈哈哈叫個女睇下呀爸，如果咁啱有車經過佢隔離俾佢申一腳實死冇生。
作者: tssy5 時間: 2023-3-2 11:45
明白呀, 不過 HK 真係少左好多俾小朋友踩車既地方, 樓下看更真係9.9 身手撲埋黎話唔踩得, 唔好令佢難做 (OK ...
carcarli 發表於 2023-3-2 10:22
其實都有嘅, 去啲close loop嘅單車場，九龍城嗰啲。
啲保安又係欺善怕惡，大件事嗰啲唔夠擔捉，小事嗰啲又扮哂有做嘢。
不過單車嚟講反而係想踩得快嘅先真係冇地方踩。
作者: tssy5 時間: 2023-3-2 11:46
唔好話過黃色柱，就算我預備爬前面頭，我都會望下後面有冇快車/車群，如果有我會自動減慢跟前車尾俾後面過 ...
new68u 發表於 2023-3-2 11:11
講得好啱，依啲係踩開公路車嘅人一定會體驗過
作者: dannyu 時間: 2023-3-2 12:12
呢D出聲既人,唔駛理佢. 我就擺明左右一齊踩.傾下偈.
因為要過人,自然越過對面線去.
甚之乎上一上行人路添.(過黃柱對面有車)
出得聲的人,自然踩得快,踩得快就何需出聲呢.
踏2圈都過咗我車喇.btw 等佢出聲佢勞氣都好架.
我渣汽車一樣,越呠越慢. 我就唔趕時間既.
作者: hohohea 時間: 2023-3-2 14:10
其實都有嘅, 去啲close loop嘅單車場，九龍城嗰啲。
啲保安又係欺善怕惡，大件事嗰啲唔夠擔捉，小事嗰啲 ...
tssy5 發表於 2023-3-2 11:45
我覺得單車公園去過最好玩係
1.沙田歷奇單車公園
2.蒲崗村單車公園(中高階路線有炒車危險性)
3.九龍城單車公園
作者: tssy5 時間: 2023-3-2 14:38
呢D出聲既人,唔駛理佢. 我就擺明左右一齊踩.傾下偈.
因為要過人,自然越過對面線去.
甚之乎上一上行人路添.( ...
dannyu 發表於 2023-3-2 12:12
冇錯，唔洗勞氣嘅，好多時就算左右平排只要對面線唔係多車其實都可以照過，咁小事要出聲嘅通常係人嘅問題
作者: carcarli 時間: 2023-3-2 15:16
回覆 16# hohohea
唔該師兄, 下次試下去呢幾度地方踩
作者: carcarli 時間: 2023-3-2 15:19
本帖最後由 carcarli 於 2023-3-2 15:21 編輯
係呀, 始終單車徑上都會有好少部份"害群之馬", 都係大家忍讓一下. 不過 "JOJO" 真係避冇可避, 我就唔會選假日多人時段帶埋小朋友去踩
作者: cnboy 時間: 2023-3-3 21:55
本帖最後由 cnboy 於 2023-3-3 22:09 編輯
講我經歷，前幾年行汀角路去大尾篤，前面有位慢行戴頭盔"後生仔"，我就右線過
點知佢突然右轉隊埋黎，咁我就抄晒車，手損腳損，佢就完全無事
咁我就小七佢，個時仲未睇佢個樣，點知有個鬼佬走出黎，好話我點解鬧個細路
我抬頭看係大約十歲鬼仔，於是我先向細路道歉，然後就小七佢老豆
小佢單車徑唔係學車用，學車應該去單車公園，或者去空地練
仲有小佢當時不在旁，令我受傷，要告七佢，於是佢就sorry sorry...
係單車徑就係怕JOJO原因，特別係一大一細個類，唔知會唔會隊過黎
作者: AhRay 時間: 2023-3-4 16:03
有時踩單車，唔好一味快快快，有時要注意路面情況，應快時快，應慢時慢，這些都係技術。就如人生，唔一定係一路暢順。要大直路，可在平日或者去南生圍，屯赤。
我其實都覺得d L 樣好黑人憎，
行路既時候，路窄，d行人係都要行中間。
踩單車既時候，d 好利害，大L 晒既跑手，慢慢地在單車徑上好似好專業地跑，其實阻鬼住晒。隔離好闊既行人唔唔跑，要行落一級同你單車掙。
正如 d 職業汽車司機，見到你踩單車sip 到個位，就突然加快沖過來，方死蝕底。
via HKEPC IR Pro 3.6.1 - Android(3.3.1)
作者: nelsonlee130 時間: 2023-3-5 11:36
明白呀, 不過 HK 真係少左好多俾小朋友踩車既地方
carcarli 發表於 2023-3-2 10:22 AM
我幫你改正
作者: nelsonlee130 時間: 2023-3-5 11:39
樓主連成一線+靠左已經好好, 吐公大把jojo一字排開慢溜cut線樣樣齊
最緊要自己安全 唔駛理人地, 利申:RB友
作者: 一成不變 時間: 2023-3-7 16:58
1前1後.. 靠咗行已經好好.. 車速反而唔係關鍵所在
最好戴埋頭盔同手套.. 保護自己!!
踩吐公.. 間唔中就會見白車入黎