作者: hk133 時間: 2022-7-12 17:54 標題: 今次試下 Netac MicroSD 行貨同大陸水貨嘅速度對比
為咗方便刷機，同埋有時桃佬需要買少少嘢夾單嚟攞折扣/用優惠，我前後買咗三張 Netac MicroSD，又咁啱今日去特賣城，見到 Netac MicroSD 出咗行貨，而且價錢同桃佬買差唔多，結果又買咗一張試下。
（全部圖片撳一下即可開啟新分頁查看大圖）
行貨暫時得最基本嘅藍色卡，而桃佬我就買咗評價較好嘅T貓聯名卡，以及價錢喺特價嗰時比較平嘅「監控安防卡」。
話說喺大陸嗰邊，都幾多人講買 Netac 卡等同抽獎，因為 Netac 就算係同一款型號、同一樣容量嘅卡都可以有唔同嘅代工廠，速度都會有差別，抽到邊間完全係睇人品&運氣，而我呢度兩張「監控安防卡」就咁啱係兩間唔同嘅代工廠生產，結果⋯⋯自己睇測試結果啦⋯⋯
（全部圖片撳一下即可開啟新分頁查看大圖）
首先係Netac x T貓聯名卡：
比較奇怪嘅係呢張卡 64KB 嘅寫入速度係最快，最高紀錄達到 53.30MB/s。
兩次測試平均寫入速度大概係 32-41MB/s，平均讀取速度大概係 80MB/s。
第一張「監控安防卡」：
呢張嘅讀寫速度就好平均，寫入平均 24-28MB/s，讀取平均 82MB/s。
第二張「監控安防卡」：
雖然都係監控安防卡、容量都一樣，但係呢張嘅數據就靚仔啲。
寫入平均 33-44MB/s，讀取平均 80-83MB/s。
香港行貨藍色卡：
行貨卡我諗係我抽到嘅呢張唔掂，
寫入平均 24-26MB/s，讀取平均 80MB/s，係四張 Netac 卡入面最差嘅。
不過都差得好少，因為本身四張嘅寫入速度都唔算快⋯⋯
相比起大牌子普遍 $1/GB 甚至更貴，Netac 卡平大約一半又真係幾吸引嘅，讀寫表現亦都係合理，至於耐用程度就有待觀望，至少大陸嗰邊睇落就冇乜鑊氣，希望呢間代理靠得住啦⋯⋯