標題: [開箱] 講下最近一年玩過嘅真無線開放式耳機 [打印本頁]

---

作者: hk133    時間: 2024-8-11 22:07     標題: 講下最近一年玩過嘅真無線開放式耳機

一開始係由 FiiO JadeAudio JW1 入坑，然後又買咗特價嘅「調音大師」O6，
O6 雖然係同 JW1 同一套 OWS 方案，不過調音唔同，出嚟嘅聽感都差好遠，
個所謂「調音大師」調到啲 details 變成一 pat 咁，JW1 個調音正常好多，
雖則個音質都只係符合價位，但都明顯好過原版個調音。
但係全個耳機都係硬膠殼，戴得耐唔係咁舒服，電量亦都唔夠持久。

之後又買咗 Soundpeats GoFree 2，用嘅動圈單元質素一般，調音都幫唔到幾多，
兩邊耳機電量消耗又唔平衡，經常都係用用下其中一邊最先冇電，
不過配戴舒適感幾好，又唔會頂到眼鏡。

又買過個 ¥49 嘅 Monster AirFree GT07，應該係貼牌貨？
動圈單元夠大係有優勢，不過質素都只係稍高於同價位耳機，而佢本來價錢都平。
而且太大件又唔算輕，戴得耐啲嘅話耳仔會痛。
電量就無可挑剔，用足大半日都得。

魅藍 OpenBlus 完全係垃圾，配戴舒適係唯一優點，
佢用嘅動圈單元質素麻麻，加上外型設計唔貼耳，調音又唔出色，
出嚟嘅音質似雜牌十幾二十蚊嘅耳機，夾硬迫自己用咗幾次之後頂唔順放埋一邊冇再用過。

然後 ¥143 買咗個全新 1MORE S30，音質好過 GoFree 2 唔少，
要低音有低音，要 details 有 details，價錢又夠平，（4月嗰時嚟講）
電量又夠持久，勉強夠一口氣睇完 24 集動畫。

買 S30 之後冇耐，我又買咗外形相似嘅 QCY GTR2，
電量都幾持久（約 8 小時），但係比唔上 S30（約 10 小時），
音質唔錯，不過比起特價嘅 S30 就都有比較明顯嘅差距。

早排又買咗 Soundcore 嘅 V30i 同 C30i，V30i 係掛耳式，C30i 係夾耳式，
兩個音質都好，聲場同細節嘅表現都比預期好唔少，電池續航都持久，
但係兩款耳機嘅價錢對比特價嘅 1MORE S30 冇乜優勢，不過 C30i 嘅透明外殼好啱我心水，
透過透明外殼望到裡面大大個跑道形動圈單元，夾喺耳仔邊嗰時動圈單元向外，型到呢⋯⋯
不過另一面嘅設計就好普通⋯⋯

幾日前買咗 Edifier Comfo Fit II，買官方翻新版 95 新版本，¥299。
外觀確實有啲使用痕跡，耳機有細微刮痕，消毒過後耳機盒表面嘅部份保護塗層脫落，
要新淨啲可以揀 99 新，貴 50。
加多 49 就買到支持 LDAC 嘅 Comfo Solo，不過我比較鍾意 Comfo Fit II 嘅外觀設計。
今日收到貨，依家喺度試緊。經典模式嘅 bass 都比較重，選擇低音增強模式就更重低音，
不過重還重，質感都係唔錯，而且開放式耳機嘅結構本來就容易影響到低頻傳遞到耳內，
只要整體氛圍夠好，低頻量又唔會對細節同中、高頻表現有明顯干擾，我覺得係可以接受。
iOS app 會有多幾個 EQ 模式可以選擇，但依然無自定義 EQ 功能，有啲可惜。

暫時用得最多嘅係 Soundcore C30i，其次係 1MORE S30 同 Soundcore V30i。
Edifier Comfo Fit II 煲多排試真啲先再總結評價。

---

作者: marcochl    時間: 2024-8-12 09:56

去唔去試下cleer arc 3?

---

作者: hk133    時間: 2024-8-12 15:50




    貴。

---

作者: marcochl    時間: 2024-8-12 17:12

回覆 3# hk133

你呢堆加埋其實都相差不遠吧?

---

作者: hk133    時間: 2024-8-12 19:06

本帖最後由 hk133 於 2024-8-12 11:26 編輯



    依家間中買/執平嘢玩下就算，真無線耳機變成舊款要清貨嗰時劈價幅度相當大，等劈價先買嚟試。

   順帶一提 cleer arc 2 現時售價只係 $7xx 咋。

   ———————

   搵搵下，好似發現咗 cleer 又係偽洋牌⋯⋯

   https://www.cleeraudio.cn/NewsCenter/NewsDetail/299

   「近日，第八批“广东知名品牌”获评名单正式向社会公示，经过广东知名品牌评价专业委员会的多轮严格评选，冠旭电子旗下国际智能声学品牌Cleer荣获第八批“广东知名品牌”称号，这一殊荣是对其在创新、品质和品牌建设方面卓越表现的高度认可。」

    然後生產力局一篇文章亦顯示 cleer 係深圳市冠旭電子股份有限公司（簡稱「冠旭電子」）旗下品牌：

    https://www.hkpc.org/zh-HK/hkpc-spotlights/gba20220920

    而且內文講到 cleer 係冠旭電子喺 2012 年成立嘅「高端品牌」⋯⋯ 說好的「來自美國加州」呢？

---

作者: abyss    時間: 2024-8-12 19:51

除非有鋪買嘢癮否則集中一舊錢買對好嘅好過，反正周圍有demo試

---

作者: hk133    時間: 2024-8-13 00:08




   耳機唔似其他電子產品，貴唔一定好，反而平嘢有時會有驚喜。
   買其他電子產品，我會直接買同價位最好/比較好嘅產品，但係耳機我就會選擇買多啲唔同款，
   尤其係開放式耳機，喺街舖好難試，
   音量大就傷耳，音量細，環境嘈少少都聽唔清，
   都係帶返屋企慢慢試好過。

---

作者: marcochl    時間: 2024-8-13 00:24

回覆 5# hk133

arc 2 同arc 3 聽講分別都幾明顯
呢個野點睇都係大陛牌子吧...

---

作者: marcochl    時間: 2024-8-13 00:27

回覆 7# hk133

我自己對電子既做法多數都由頂開始試, 之後按價位睇下自己聽唔聽到/用唔用得出分別
如果用得出就直接攻頂, 慳好多錢同時間, 反正早買早享受, 最重要係唔駛花時間/地方處理淘汰出黎既野
相機, 有線耳機, DAP, 有源喇叭, 電腦我都係呢個approach

---

作者: hk133    時間: 2024-8-13 00:56

本帖最後由 hk133 於 2024-8-12 17:04 編輯



    耳機其實冇乜客觀、可量化嘅標準去具體地判斷優劣，頻響曲線幾靚仔都好，試過實物先可以見真章。
    電腦、電話、充電器呢啲有好多不同角度嘅客觀、可量化嘅標準可以用嚟評價，所以就可以清楚見到價格高低同品質、功能並不掛鉤。
    耳機就唔同，甚至耳機生產嘅一致性如果做得唔夠好，同一批耳機之間嘅音質都有可能有差異，有太多坑、太多難以解釋但又確實可被感知到嘅「玄學」，導致有部份人會選擇迷信貴 == 好。

    當然，唔係所有貴耳機都係智商稅，但係唔理網上嘅品牌口碑、調音風格、用料差異呢啲可以輕易搜尋到嘅評價，總之見到貴就覺得一定比平價貨好，就好大機會要納稅。

---

作者: abyss    時間: 2024-8-13 07:49



一味買埋啲國產平嘢質素當然唔穏定, 買返正路大牌子相對穏陣

唔係話唔好買平價國產, 但係既然知道自己有要求點解唔直接買隻好啲嘅要不斷嘥時間同錢去試

---

作者: marcochl    時間: 2024-8-13 09:07

回覆 10# hk133

我諗其實個重點都係要去現場試, 試左之後先知水平係點同夾唔夾
但有種老生常談就係好野唔會賣得平 (當然唔可以講貴=好)

---

作者: ebtg    時間: 2024-8-13 10:46



出名如聲海 MTW3 都出現災情, 壞完又壞, 整完又整, 一年送修了三次個案為數不少, 壞到3代停產要換4代比客.  AZ80 都出現不少用家半年就一邊單元叉唔到要攞去代理整. 買大牌子唔代表質素穩定,  由其係 TWS 零件精細電子產品更易壞.  另外, 好耐以前買個三叔手機送隻定價過千既 BUDS PRO, 試完聲覺得D音質真係送到唔要.

---

作者: Free888    時間: 2024-8-13 10:50

本帖最後由 Free888 於 2024-8-13 10:53 編輯



    但係如果個頂唔啱聽，你會盡快賣番出去？

我電子嘢嘅approach反而係先試性價比高嘅中低階，用到壞/唔夠力再慢慢升上去

---

作者: jacktsui    時間: 2024-8-13 11:43

本帖最後由 jacktsui 於 2024-8-13 15:20 編輯

呢啲豆豆唔少心跌一跌就隨時歸天, 唔敢買over 1千蚊

---

作者: marcochl    時間: 2024-8-13 15:17

回覆 14# Free888

應該話唔啱聽已經直接放低唔帶返屋企
我喺相機到領教過性價比某程度上係偽命題，因為到你要多少少果陣都係要買過
而且中低階轉手都唔值幾多錢，所以係咪慳到我有保留

---

作者: hk133    時間: 2024-8-13 16:24




    開放式耳機普遍都係喺幾百蚊呢個價位，我買呢堆基本上都算係中階，低階、入門款普遍都係一百有找，有唔少數碼配件品牌都有賣埋開放式耳機。

    一味講價錢其實冇任何意義，之前已經講過原因我就唔再贅述。

    我會覺得試耳機係一種樂趣，好多時候唔係對自己手頭上嘅耳機唔滿意，而係期待其他品牌出嘅新嘢、或者跌價嘅舊款聲音表現會唔會有驚喜，比依家用緊嘅更好。只要唔係走去相信啲 DIY 小作坊吹到天花龍鳳嘅產品，質素其實係有一定保證。

    稱得上係伏嘅「調音大師」同 魅藍，其實佢哋都係各自用上不同嘅 OEM 方案，同一個外型其他品牌都用緊，只係佢哋調音唔掂先至變為伏嘢。

    中國藍牙耳機主要都係用某幾間大企業嘅 OEM 方案，尤其係唔少耳機廠商，根本不具備自己開發藍牙耳機嘅能力，就非常依賴呢啲 OEM 企業。雖然藍牙耳機睇落細細粒，但係裡面牽涉到高集成度嘅電路設計、精密嘅天線佈局、藍牙認證申請等等複雜事項，所以多數廠商，包括一啲冇咁大規模嘅 HiFi 耳機品牌，都係靠 OEM + 外殼小幅度修改嚟做出自己品牌嘅藍牙耳機。

    講下我買過嘅嗰啲品牌，QCY 有能力自己開發藍牙耳機，亦係最先開始做真無線耳機嘅中國廠商之一。
    Soundpeats、Soundcore 雖然係運動耳機品牌，但呢幾年都累積咗相當嘅口碑，海外銷售都有相當不錯嘅成績，
    Edifier、1MORE 都係有相當經驗生產 HiFi 耳機以及藍牙耳機，一個係三十幾年大品牌，另一個同小米有好大淵源，都係頗具實力嘅耳機大廠，
    FiiO 本業係 HiFi 播放器，近幾年踏入 HiFi 耳機呢個領域，成績都唔錯，呢次做真無線耳機係選用穩定嘅 OEM 方案 + 自己調音，出嚟嘅效果確實反映佢哋調音係有料到。

    真係要講「唔穩定」嘅，應該係售價，尤其係 HiFi 耳機廠商出品嘅耳機，一開始正價賣係要收回研發成本，佢哋物料成本其實唔高。賣到咁上下，回咗本就有好大降價空間。

---

作者: hk133    時間: 2024-8-13 16:36

本帖最後由 hk133 於 2024-8-13 08:38 編輯



    開放式耳機係解決咗平頭耳機嘅漏聲問題，
    但係冇徹底解決到聲音衰減問題，而係靠低頻補償嚟改善聽感，
    喺街用要較到好大聲，否則好難聽得清播緊乜。喺街試唔容易，除非係去啲冇乜人幫襯嘅樓上舖。
    但真無線耳機好少有得試，開放式耳機普遍嘅價位都係唔超過 1000，要揾地方肯放 demo 出嚟都難。
    細間嘅唔講，Soundpeats、Soundcore、Edifier、1MORE 呢四間嘅開放式耳機，有幾多地方有得試、環境又適合嚟試？

    聲音衰減未解決到，買副 1000 嘅帶出街，同 1xx 一副大廠出品嘅冇乜分別，都係聽唔清 details。
    我諗真係要等到呢啲開放式耳機都做到 ANC，進一步減少環境聲嘅干擾，先至有機會好似入耳式耳機咁開始軍備競賽式瘋狂堆料。

---

作者: jacktsui    時間: 2024-8-13 16:40



Soundpeats 表現好穩定, 無投訴
Edifier 硬件好, 軟件就真係差左少少, 佢比較遲先開始搞真無線, 所以感覺上係落後左少少

---

作者: jacktsui    時間: 2024-8-13 16:50



呢樣真, 條街咁嘈, 無anc既話, 幾好聲都係假...
所以anc耳豆需求係前所未有咁大, 亦都令都市場多錢流入-> 多競爭->換代快
舊款減價一樣咁快 一日未到科技樽頸, 一日都唔駛花大錢追到咁貼~

---

作者: marcochl    時間: 2024-8-13 18:34

回覆 18# hk133

最緊要自己覺得駛得值, 但我覺得每樣野都有限制, 所以冇得強求乜都有
開放式耳機都做到 ANC呢點冇可能的啦, 只要有空氣就有聲音既傳播

---

作者: hk133    時間: 2024-8-13 20:07




    半入耳式嘅 soundpeats air4 / air5 就有 ANC，開放式理論上都有可能做到，當然效果肯定比唔上入耳式耳機同頭戴式耳機，但都叫做可以減少部份環境聲嘅干擾。

---

作者: abyss    時間: 2024-8-14 07:59

所以咪話係鋪買嘢癮, 每次都賭緊可以搏到好嘢, 好學上話齋喜歡就好

---

作者: madgod1213    時間: 2024-8-15 19:38

Soundcore C30i 同 1MORE S30音質邊款好D?
想買黎跑步用

---

作者: hk133    時間: 2024-8-16 20:37




    音質各方面都係 soundcore C30i 好啲，不過買咗之後記得用 soundcore app 更新 firmware 先，佢更新前好細聲，更新後會大聲少少。

    但 1MORE S30 真係平，依家桃佬啲經銷商劈價劈到 13x 人仔，雖然聲場比唔上 C30i，但其他方面同 C30i 冇太大差距，粗用一流。

---

作者: madgod1213    時間: 2024-8-16 22:38


我見1moreS50依家兩舊水, 睇評測好似幾好聲
S50同C30i依家 1516中, C30i跑步穩唔穩呢?
可能最後2隻都買哂

---

作者: hk133    時間: 2024-8-17 02:04




    C30i 夾喺耳仔側邊，幾穩陣下，fing 極都唔會甩。
    S50 同 S30 一樣係掛耳式，不過 S50 發聲位置有個膠圈凸出嚟，作用/戴法類似平頭塞咁，理論上帶得穩陣之餘冇咁易俾環境聲干擾到。

---

作者: madgod1213    時間: 2024-8-17 23:58


仲有隻Fiil GS lite, 見B站好多人力推
呢隻2百幾好似靚仔過S50

---

作者: WHITERICE    時間: 2024-8-18 09:40

S50 早半年買3百人仔, 暫時用過最滿意係佢, 用左半年暫時遇過幾次叉唔到電. 係盒一拎上黎用先知原來叉唔到. 要放多次先叉到.

S30 唔推薦,  佢最大問題比較細聲. 音質比soundpeat free go 好都無用.

好多開放耳機音量都感覺唔太夠. 同揀有得調EQ 好重要. S50只有預設mode , 無獨立EQ.

基本上開放式耳機我平時使用都開到最大音量.  真係唔好信有十個鐘,  通常幾個鐘頭就無晒電.

---

作者: hk133    時間: 2024-8-18 15:28




    S30 唔覺細聲，有比佢更細聲嘅，更新 firmware 或者可以解決到？
   我在家使用，通常都不高於 25% 音量，除非個開放式耳機真係特別細聲。
   出街我就用返有 ANC 嘅入耳式耳機或者頭戴式耳機。

---

作者: Thinking    時間: 2024-8-20 10:27

買S50好過S30, 防水性能真係有差別，尤其特別大汗，我隻S30唔夠一夠月就玩完，而家隻S50就啱啱入手1個月,暫時未壞

---

作者: madgod1213    時間: 2024-8-20 12:01

估唔到最後我買左2對漫步者comfo clip, 收貨再報告一下使用體驗

---

作者: hk133    時間: 2024-8-20 14:32




    我諗住買，但係黑色冇晒貨……

---

作者: rooneymanunited    時間: 2024-8-20 17:52

入左手Creative Outlier Go  $388 早鳥價未試

---

作者: Monet90    時間: 2024-8-20 23:13



我都用緊S50跑步, 暫時無投訴, 只係跑行人路旁邊多車時, 音樂好細聲, 見到剛剛出左S70, 有點心動...

---

作者: madgod1213    時間: 2024-8-21 00:38


黑色果隻黑係啞色我覺得唔靚, 我買左白色同星光粉(金色)
$269百億補貼過左就冇啦, 入手啦ching

---

作者: hk133    時間: 2024-8-21 01:57




    黑色耳機本體都係光面，同其他款一樣，只有充電盒係啞色。

---

作者: Thinking    時間: 2024-8-21 10:20

回復 35 #Monet90

開放式嘅缺陷，為安全計，我寧願聽到車聲，好過音樂聲掩蓋車聲

---

作者: GUILDWARS    時間: 2024-8-21 17:25

想問下市面有冇真無線骨傳導耳機?

頭帶式骨傳導藍芽耳機有用過
想買真無線既細隻方便D
但見網上好多廣告都係假貨
只係開放式耳機而非骨傳導

---

作者: Monet90    時間: 2024-8-22 08:28


都係，跑步都要安全行第一

via HKEPC Reader for Android

---

作者: jacktsui    時間: 2024-8-22 10:23

公園跑步唔會太嘈, 開放式都可以既
BTW, 入耳 都有得用通透/環境模式

---

作者: Thinking    時間: 2024-8-22 11:58


有，上淘寶買, 好多牌子連香港都無， 骨傳導呢個領域真係大陸領先好多, 最貴同最平都係大陸牌子

---

作者: hk133    時間: 2024-8-22 14:32




    骨傳導係得運動型嘅款式（兩邊耳機相連），睇下 shokz 就知，
    應該係技術原因，體積比較大，要細細個、兩邊分開就只有氣傳導嘅開放式耳機做到。

---

作者: madgod1213    時間: 2024-8-22 16:54


戶外跑步真係唔好用入耳式, 特別依家好多人响行人路玩電動單車/滑板車, 時速幾十公里响你後邊, 你唔知佢响外邊好易出意外

---

作者: GUILDWARS    時間: 2024-8-22 22:30




   
可否推介下有邊d牌子
淘過幾款寫住骨傳導
但到貨見到只係開放式
根本都唔識振動

---

作者: Thinking    時間: 2024-8-23 15:27


之前用過Haylou, 跑步用都唔錯, 同sunnto 同一間母公司

分體骨傳導就夾耳多，未試過

---

作者: hk133    時間: 2024-9-2 03:05




    好似冇分體骨傳導，分體式嘅基本上全部都係氣傳導，即係一般嘅開放式耳機。
    耳夾形開放式耳機我最近又買咗 edifier comfo clip 同 soundpeats pearlclip，準備過幾日寫開箱評測。

---

作者: AhRay    時間: 2024-9-2 04:25

本帖最後由 AhRay 於 2024-9-1 20:27 編輯

都無留意到原來你開左呢個講開放式耳機post。
我手上有玩具
1. 高仿Jbl sense﹐百幾人仔，聲音可以，不過進入通話時聽-細聲左，講-又唔清楚，真係得個樣
2. 後來又手㾗買左山水 T19﹐配戴可以，幾舒服，聲音夠大聲，不過通話時，對方好似都係差d﹐要大聲講先可以好d

現在心思思睇下有無通話好d既，上yt睇下評測，又上淘仔揾下。

soundpeaks gofree 2+ spec.  好似唔錯，不過過往經驗，唔係好夠聲，你上面講過既 gofree又好似有d充電問題。都係唔考慮。soundcore aerofit pro 又係spec.
Ok, 但評測麻麻。 TOZO openbuds yt 評測唔錯，考慮入手。睇睇下又揾到兩只， umelody 既ringbuds pro同 Monster既clarity air pro﹐無咩評測，盲速又唔敢。平平地又想試下 Qcy既 gtr2。又睇埋你手上那些，唔知點解，今年好似突然多左好多開放式耳機。不過戴上又真係幾舒服，又好似無戴到咁聽到外面既聲。

via HKEPC IR 5.1.14 - Android(5.1.2F)

---

作者: hk133    時間: 2024-9-2 20:48

本帖最後由 hk133 於 2024-9-2 12:54 編輯



    平玩不如試下 1more S30，桃佬細舖賣得好平，百三蚊人仔左右。
   通話用都係揀返掛耳式好啲，耳夾式個外型本來就令到收音咪好難對準個口，甚至個咪連埋發聲單元一齊塞咗喺耳廓內，都會影響收音效果。

---

作者: Nightcatcat    時間: 2024-9-2 23:27

試過戴咗入耳式有ANC耳機，返工時段在地鐵車箱門口俾人推撞，初時有啲嬲，但後來發覺原來人哋叫了我借過幾次，我都聽唔到，人哋趕住落車當然要撞開我啦  

via HKEPC Reader for Android

---

作者: AhRay    時間: 2024-9-3 03:18


多謝介紹1more﹐又重新由頭到尾睇返呢個post, 原來好多師兄都推介S50﹐又上yt睇下，原來"樂活道"都有評測，s30 係真抵玩，不過S50 又幾特別，開放式但有個耳膠定入去耳道位，唔知咁樣是否夠開放？心大心細中
去淘仔睇 S70 又貴好多。唔知貴在那裡。又有無人試過？

淘仔睇得多，又發現左有 S31 及 S51﹐真的多到有點亂   

via HKEPC IR 5.1.14 - Android(5.1.2F)

---

作者: hk133    時間: 2024-9-3 18:43




    S50 我覺得有啲似掛耳式平頭塞…… S51 同 S31 係新款，貴過 S30 好多。

---

作者: madgod1213    時間: 2024-9-3 21:09


2對漫步者comfo clip都收左貨玩左成個星期, 整體好滿意, 用來跑過18K成頭汗都冇移位, 音質好過shokz(响apm 數碼通試聽對比過), 電量試過聽5個幾鐘都仲有電, 音量好大, 我用一半已經夠大聲, 但係响公路旁等車係會聽唔清音樂
白色係有D灰灰地色, 粉色就有D金金地色, 2舊幾簡直抵到爆

---

作者: iPAQ    時間: 2024-9-3 23:38

618 淘咗 soundcore AeroFit Pro，主要貪佢 14Hr 電，跑步用 OK。
啲 Youtuber 成日話可以成日戴，但試過一次坐地鐵戴，啲環境聲加耳機聲搞到有啲頭痛，所以都只係跑步先用。

---

作者: hk133    時間: 2024-9-4 01:39





    開放式耳機嘅結構本身就做唔到隔音，加上氣傳導嘅傳音方式易受到環境聲干擾，帶出街用，周圍有人聲車聲，要聽清音樂就要調高音量，但音量調得太高聽得耐會唔舒服……我諗到帶出街可以用嘅場景應該係得行山，或者清晨、冇乜人嘅時間喺街散步……除此以外就係圖書館、寫字樓、自己屋企呢啲室內環境。

---

作者: madgod1213    時間: 2024-9-4 15:21

本帖最後由 madgod1213 於 2024-9-4 15:24 編輯

其實普通街道用又冇咩問題, 係响公路隔離多車先聽唔清, 主力都係要黎跑步, 下次LSD試下25公里會唔會移位先
另外, 音質出奇地滿意, 雖然冇咩低音, 但起碼會感到有彈性, 人聲一流, 本來預期係收音機質素

---

作者: AhRay    時間: 2024-9-4 20:08


本來主力考慮你呢只sc aerofit pro，有實體按制，但發覺評測講d通話都係一般，同埋好似唔夠聲

via HKEPC IR 5.1.14 - Android(5.1.2F)

---

作者: hk133    時間: 2024-9-4 21:09




    漫步者話晒都係做開聲學產品，聲底質素唔使擔心，用佢哋嘅 edifier connect app 可以選擇 EQ 調音模式。

---

作者: 3ldk    時間: 2024-9-7 18:48

最近睇中Oladance OWS Pro, 一年左右的新產品, 但竟然只有SBC 無LC3
又再睇下支援編碼特別多, 而且更新的cleer arc 3, 竟然一樣無LC3
然後再搵下究竟邊款有LC3, 竟然一款都無
LC3係2021年出台的, 都三年了, 點解無公司出呢?

---

作者: AhRay    時間: 2024-9-8 09:28


呢只有功放，應該夠大聲。6咪降躁，期待師兄出個試用報告

via HKEPC IR 5.1.14 - Android(5.1.2F)

---

作者: jacktsui    時間: 2024-9-9 11:57



好貴下  
仲要好似外國個價仲貴過hk

---

作者: 3ldk    時間: 2024-9-9 18:10




已經平過Cleer ARC 3了

---

作者: googleli    時間: 2024-9-10 13:13

剛入手B&W PI8, 音質真係無得輸, 仲好過我對Svanar Wireless一大截, 但隔音都係唔夠WF1000XM5同Airpods Pro 2黎. 相對之下Svanar Wireless ANC形同虛設.

---

作者: hk133    時間: 2024-9-10 23:51

試完 漫步者、soundpeats 同 soundcore 三款耳夾式真無線耳機之後，個結果好出乎意料，我都係試多幾日先⋯⋯

---

作者: AhRay    時間: 2024-9-13 22:09

耳夾式就真係想像唔到點樣既聲，不過我怕會好易甩。

1more我最後都選左S70﹐在聊聊幾段既 youtube review中做決定。不過都因為有 s30 同s50 既review作參考。

有新買新，出乎意料，香港行貨都平過tb, pdd 。結果都無買錯，耳機戴得好舒服，好像無帶一樣。接收好穩定，都未試過斷線。主要買來工作通話用，又唔使用電話督住耳仔聽口訊。通話無咩投訴，吓/咩話，講多次之類都無聽過。對方人聲也很清楚大聲。聽歌yt﹐比我有既開放式都好。又唔怕聽唔到外面世界既聲音。

via HKEPC IR 5.1.14 - Android(5.1.2F)

---

作者: hk133    時間: 2024-9-13 23:22

影片：

[youtube]Ocyzqc8HAaw[/youtube]

https://youtube.com/shorts/Ocyzqc8HAaw


文字版：（如果圖片未能正確顯示，點擊圖片即可查看原圖）

如果是在寧靜的環境聆聽音樂，或是用手堵住開放式耳機與耳孔之間的空隙，會發現大多數開放式耳機低頻量都比較多，因為開放式的結構非常影響低頻聲音傳播到耳內，因此各家廠商的開放式耳機都會設置低頻補償，這個低頻補償到了有些微噪音的環境就會發揮效用，能改善整體聽感及氛圍。

電量方面請參考下圖：




佩戴方面評分見下圖：



Edifier Comfo Clip 和 SoundPEATS PearlClip 都是採用耳夾式外型，但與 Soundcore C30i 的固定方式不同，C30i 是夾著耳朵，而 comfo clip 及 pearlclip 是靠耳背部份以摩擦力固定，估計本來是想提高舒適度，

但實際使用時穩固程度不如C30i，尤其是油性肌膚的人，長時間就可能會因為耳朵附近皮膚的油脂分泌，耳機耳背部分摩擦力降低，導致耳機滑落，讓耳機發聲口無法對準耳道，影響音質。

尤其 pearlclip 耳背部分面積較小，
無法長時間穩固抓住耳垂，
這是 pearlclip 在穩固度的得分較低的原因。

油性肌膚的人在長時間使用時，建議間中摘下耳機、
清潔耳背及耳機上的油脂後再重新佩戴耳機。



至於耳機的一些參數方面，可以參考以上這張表格。

音質的主觀評價參見下圖：



測試結果有些出乎意料，價格最便宜的 PearlClip，
音質竟然是三款耳機裡面比較好的，
但是配戴穩固度還是有待改善⋯⋯

目前開放式耳機比較適合在家中、辦公室、圖書館之類的室內相對寧靜環境使用。

如果戴著出門，有日常人聲、車聲噪音的情況下，若是只使用長時間聆聽都不損害聽力的音量、又或者說是「聽得到音樂的最低音量」，這三款耳機都會受到一定程度的外界噪音干擾，使用時難以明顯察覺三者的音質區別。

---

作者: madgod1213    時間: 2024-9-20 23:53


漫步者果隻唔會甩, 我跑間歇, pacing 3"20都完全冇問題, LSD試左22K都冇問題