作者: frank817 時間: 2016-9-25 11:04 標題: 史前模擬電視廣播(涉及佳視)多問
本帖最後由 frank817 於 2016-9-25 20:57 編輯
請問眾高手 c hing 1D史前問題
http://www.ofca.gov.hk/filemanag ... ree_tv/tvbnet_c.pdf
1.大家都知慈雲山中央發射站所用模擬頻道，由低到高依次是UHF21翡翠、UHF23前麗的/亞視中文(現港台31A)、UHF25明珠、UHF27前麗的/亞視英文(現港台33A)，請問點解咁排？1967年大台啟播時，只有翡翠明珠用大氣電波，點解唔用UHF21、23？係咪當時已預計麗的會轉用大氣電波，所以刻意預留UHF23畀佢？
2.但其他發射站，4台排列次序由低到高卻多數係翡翠、明珠、前麗的/亞視中文(現港台31A)、前麗的/亞視英文(現港台33A)，點解會有咁既分別？
3.從上表見，部份模擬發射站功率奇低，最極端既大埔泮涌村甚至低至0.04W，可能同手機充電差唔多，請問呢類發射站覆蓋範圍係點？會唔會只係為一幢大廈、甚至一間屋而設？
4.(愚問)模擬廣播是否不能用單頻網？如用單頻網，會有甚麼問題？例如在九龍東，同時能接收慈雲山及飛鵝山發射站訊號，如果兩發射站均使用UHF21廣播翡翠台，會怎樣？
5.(愚問x2)模擬廣播既兩台之間，係咪必須隔一隔？例如UHF21廣播翡翠台，咁UHF22就唔用得？(如果係，模擬真係好浪費頻道)
6. 當年佳視的慈雲山發射站頻道係幾多？係咪UHF29？ 已解決
7.(超高難度)其他發射站有否佳視訊號？如有，頻道是多少？ 已解決
8.睇返上表，咁多個發射站都要唔同既4個頻道去容納4個台，除左慈雲山可以畀UHF29佳視外，其他發射站仲邊有位塞多個佳視？會唔會係當年(70年代)珠三角幾乎只有香港有電視廣播(澳門未有，一窮二白的大陸廣東就算有都好少台)，同埋香港當年仲好多地方未開發冇人煙，就算收唔到電視訊號都可以不理，唔使咁多小型發射站，所以先至有足夠頻道畀佳視用？
9.佳視倒閉後，點解港台電視部冇好似亞視停播咁，接手佳視頻道成為港台頻道？是因為當時佳視摺得太突然未有準備？當年港台電視節目不足以支持一條獨立頻道(其實而家都係唔夠)？(如果當年有咁做就好了，唔使畀正苦另類節目騷擾商營電視生態成40年都可能唔止)
10.以我以前自學無線電所見(可能有錯)，香港(連澳門)以外既國家地區既電視廣播，一係只有VHF，一係VHF UHF並用，但VHF為主，例如日本既NHK同五大民放局網絡既主要發射站都用VHF，只有小型輔助發射站同地區性小型電視台(所謂獨立U局)至用UHF，但香港(連澳門)就調返轉，可能係全世界唯一只有UHF冇用VHF既，點解會咁？
11.(終終終極愚問)慈雲山有何獨特優勝之處，會令中央發射站選址於此？
好多問題，先謝！
作者: hkepc123456789 時間: 2016-9-25 20:06
關於佳視嘅問題 事隔多年仲未有確實完整嘅答案 呢個謎團相信只有政府先解得開
---
其實我有好多條問題想問 唔知呢度有冇人俾到答案呢
1. 佳視嘅黃金時段教育電視規定係政府嘅牌照要求? 定係佳視自行決定? 如果係自行決定,點解?
2. 當時佳視嘅收視高唔高? 廣告多唔多?
3. 點解佳視搵唔到人接手? 佢搵到新資金嘅話,當時政府有冇批准?
4. 佳視停播後點解港台唔運用佢嘅資源(器材 台前幕後 頻譜)開展電視服務? (唔方便出面可以公私合營)
5. 佳視所用嘅頻譜而家情況係點?
作者: frank817 時間: 2016-9-25 20:49
https://zh.wikipedia.org/wiki/%E ... D%E9%9B%BB%E8%A6%96
原來維基百科有佳視頻譜資料，大概都是前麗的/亞視英文台、即現港台33A後兩個位，當然是真是假就無從考證了。
如果佳視冇執，90年代之後，香港更多地區發展，需要更多輔助發射站，珠三角電視頻道又漸多，仲有冇頻譜容納5個模擬台？而1978年佳視倒閉後，長達31年後既2009年，政府先至再接受申請免費電視台牌照，係咪就係因為頻譜已無法容納5個模擬台，要等到有數碼電視廣播至可以有更多台？
作者: polarhei 時間: 2016-9-26 11:24
回覆 2# hkepc123456789
佳視問題曾經有人提過, 話係環境出左事. 當時港英政府想法, 共富好過一家獨大(大部份政府時常講共富好過獨富,源自中東思維). 但消費者唔接受, 覺得前兩者好就睇兩者.
你應該試搵舊報紙嘗試砌該問題.
作者: polarhei 時間: 2016-9-26 11:36
回覆 3# frank817
我相信係因為資源問題(因為模擬台猶如獨立別墅, 解像度低), 加上有壞先例, 加上一堆投訴. 如果唔係北京奧運, 野唔會噉快.
作者: peter_chan 時間: 2016-9-26 11:52
小弟嘗試答下﹐不過我唔係什麼專業人員﹐上來都係學野﹐有錯請指正。
3.從上表見，部份模擬發射站功率奇低，最極端既大埔泮涌村甚至低至0.04W，可能同手機充電差唔多，請問呢類發射站覆蓋範圍係點？會唔會只係為一幢大廈、甚至一間屋而設？
你見到好低功率的發射站﹐係一上輔助性質﹐只係為一個細區服務﹐主要係受地形影響收唔到出面的大發射站而設﹐而這些站發射功率大都無用﹐因為都受地形影響而不能有放率地射去其他地區。
如果你細心去睇﹐同一頻道在其他區都會使用﹐於是便要多個站互相計算發射強度﹐令到唔會有重疊干擾。
4.(愚問)模擬廣播是否不能用單頻網？如用單頻網，會有甚麼問題？例如在九龍東，同時能接收慈雲山及飛鵝山發射站訊號，如果兩發射站均使用UHF21廣播翡翠台，會怎樣？
由於模擬制式沒有容錯修正技術﹐當同一時間收到2個不同發射站的訊號﹐由於2個站的距離有分別﹐有微細的時差﹐會出現干擾﹐有鬼形。
5.(愚問x2)模擬廣播既兩台之間，係咪必須隔一隔？例如UHF21廣播翡翠台，咁UHF22就唔用得？(如果係，模擬真係好浪費頻道)
同問題4相同﹐都係會出現干擾﹐有雪花鬼影問題。
8.睇返上表，咁多個發射站都要唔同既4個頻道去容納4個台，除左慈雲山可以畀UHF29佳視外，其他發射站仲邊有位塞多個佳視？會唔會係當年(70年代)珠三角幾乎只有香港有電視廣播(澳門未有，一窮二白的大陸廣東就算有都好少台)，同埋香港當年仲好多地方未開發冇人煙，就算收唔到電視訊號都可以不理，唔使咁多小型發射站，所以先至有足夠頻道畀佳視用？
可能當時真係大陸未發展﹐干擾等問題未嚴重﹐所以中港澳都未有大干擾問題。
其後3地都有協調電波頻道及發射強度﹐以減少干擾問題。
如果仲有佳視﹐可能接收良好畫面的難度會增加。
9.佳視倒閉後，點解港台電視部冇好似亞視停播咁，接手佳視頻道成為港台頻道？是因為當時佳視摺得太突然未有準備？當年港台電視節目不足以支持一條獨立頻道(其實而家都係唔夠)？(如果當年有咁做就好了，唔使畀正苦另類節目騷擾商營電視生態成40年都可能唔止)
一直以來﹐未有數碼廣播年代﹐RTHK都無打算做大﹐同大氣電波唔夠用有關﹐所以一直寄居TVB/ATV的廣播時段。
而佳視收檔﹐當時又唔係得番一個電視台﹐所以亦無需要RTHK介入。
現實係當時RTHK亦無最基本的能力去接手 (包括人力物力方面)
去到ATV收檔﹐因為99台沒有模擬廣播﹐便會只淨TVB才會有模擬台﹐為免得番一個台﹐於是RTHK便介入做埋模擬台﹐頂替ATV的位置。
亦因為自08年有數碼廣播﹐政府逐步去擴大RTHK﹐自建官台廣播獨立成台﹐才有最基本條件去接手ATV的模擬台。
11.(終終終極愚問)慈雲山有何獨特優勝之處，會令中央發射站選址於此？
可能同「五台山」有關﹐以前所有電視台都係位於廣播道﹐最近的發射站便是慈雲山﹐於是一直都用慈雲山。
另一個合理一些的想法﹐便是慈雲山位於中心點﹐轉發去其他不同發射站的時間會比較平均﹐減少時差的影響。
作者: peter_chan 時間: 2016-9-26 12:06
本帖最後由 peter_chan 於 2016-9-26 12:08 編輯
回覆 frank817
我相信係因為資源問題(因為模擬台猶如獨立別墅, 解像度低), 加上有壞先例, 加上一堆投訴. ...
polarhei 發表於 2016-9-26 11:36
模擬台﹐在07年尾數碼廣播開始試播之前﹐應該仲可組合多1條模擬台的﹐這便是數碼版舊4台所用的一組頻道。
問題便是一係比RTHK使用﹐可以做中英文混合台﹐否則比唔到新電視台 (無法同時提供中英文各一個台)。
所以政府一直都唔肯接受新台的申請。
如果睇番07/08年間的電視廣播頻譜分配及預留﹐在未有數碼廣播情況下﹐會有一組頻譜可以在全港使用(可以用作模擬制式使用)﹐以及3條通全港的頻譜。
好大機會好耐之前(自佳視收檔開始)﹐已經有計劃RTHK會獨站成台﹐會用這一組(最後一組)可供全港使用的頻譜做廣播。
不過有了數碼制式﹐同時又有3條可通全港的頻道(以前模擬制式根本用唔到)﹐於是留了一條給RTHK待用。最後一組可供模擬台使用的頻道﹐由RTHK預留放番出來﹐由TVB/ATV共用去播舊四台﹐另配各配1條做新台使用。
好明顯08北京奧運係推動數碼廣播出了好多力﹐唔係有京奧﹐未必行得咁快﹐市民亦唔會在08年大量換新電視機/買機頂盒﹐亦唔會推動RTHK按步獨立成台。
作者: frankfrank 時間: 2016-9-26 12:54
本帖最後由 frankfrank 於 2016-9-26 14:14 編輯
佳視發牌條件係要系黃金時間播教育電視5-6又要播港台節目，呢類節目有冇客戶落廣告大家清楚，投個牌翻來做轉播台咁苛刻嘅條件都唔知邊個高官諗出來，最奇怪嘅佳視又會甘心投來做
作者: twind 時間: 2016-9-26 14:27
本帖最後由 twind 於 2016-9-26 14:31 編輯
恕刪
作者: polarhei 時間: 2016-9-26 15:59
回覆 7# peter_chan
首先, 奧運時用既方法係國際上仍然係實驗性質直至奧運後三年獲認可為國際標準後, 有線5%非衛星, 曾經申請過有線服務(我係其中一個)用戶獲免費"升級".
附加:
香港頻譜按目前分配(http://www.ofca.gov.hk/filemanag ... k_freq_table_tc.pdf), 如果以模擬廣播, 一間公司兩個台,以8Mhz為一個頻道計算. 470-478(1個),566-669 (12個頻道), 670-678(1個),679-806(15個頻道), 理論上可容納14間公司. 雖然有28個頻道, 但因為位置問題,行政問題,加上成本, 即使發射站專利成本為零都好. 但因為雙向有錢, 單向有錢. 因此即使有10個位, 最後只有不超過兩家公司查問.
作者: James8888 時間: 2016-9-26 20:58
關於佳視嘅問題 事隔多年仲未有確實完整嘅答案 呢個謎團相信只有政府先解得開
---
其實我有好多條問題想問 唔知呢度有冇人俾到答案呢
1. 佳視嘅黃金時段教育電視規定係政府嘅牌照要求? 定係佳視自行決定? 如果係自行決定,點解?
呢個情況, 多年前周梁淑怡在一個節目解釋過, 原來當年新電視台公開接受申請時, TVB秘密用另一間公司身份去申請埋一份, 在申請書中, 故意加入大量黃金時段的教育電視, TVB就睇死佳視為左要搶到個牌, 佢都一定焗住要跟, 要同樣加入教育電視. (可能當年D人比較保守, 當年政府會覺得"黃金時段播教育電視"係優點, 增加發牌機會), 所以佳視唯有加入教育電視.
o甘樣做, TVB就可以令佳視有"先天缺陷", 一開始就整低佳視收視,
周梁淑怡都話TVB真係好"犀利"
作者: Brainstomer 時間: 2016-9-26 23:25
提示: 作者被禁止或刪除 內容自動屏蔽
作者: hkepc123456789 時間: 2016-9-27 00:04
回覆 11# James8888
原來係咁 第一次見到呢個講法 多謝你(正確來講係周梁淑怡)
無綫"開分身"迫佳視就範 唔通當時無綫覺得佳視嘅威脅大過麗的?(情況同2009-2013嘅港視一樣?) 點解先?
冇咗"教育電視"嘅限制 佳視係咪會爭取到更多時間同空間力戰無綫麗的?
至於冇英文台 我覺得反而好過有喎 佳視嘅基礎冇人哋咁紮實 加多個台可能蝕得更甘
最關鍵嘅問題 佳視嘅節目(唔單止劇集)好唔好睇? 唔好睇嘅話就算冇"教育電視"都冇用
作者: Brainstomer 時間: 2016-9-27 00:58
提示: 作者被禁止或刪除 內容自動屏蔽
作者: polarhei 時間: 2016-9-27 09:57
回覆 7# peter_chan
即使冇奧運, 都會不停收料減少改動成本, 需知道百貨騰貴. 據知用HEVC猶如吸血噉樣.
http://www.legco.gov.hk/yr07-08/ ... 1112cb1-203-4-c.pdf
作者: polarhei 時間: 2016-9-27 10:03
回覆 8# frankfrank
當時做法可能係大家將就做. 認為可行就試. 不過, 有可能就係唯一統計累死一間公司(當時可能有人提出"大數據"呢件事, 只係操作成本, 故抽樣了事(800樣本)). 不過,按舊報紙報導事後處理. 總好過今日亞視沒完沒了.
作者: frank817 時間: 2016-9-30 23:40
離題一問：見上面c hing提到電視訊號轉發去其他不同發射站會有時差影嚮，如果香港彈丸之地，都有時差影嚮，咁一D廣播範圍比較大，又要多個發射站轉發既電視台，又點解決轉發時差問題？
最簡單又鄰近既例子，未有衛星前，「 其他國家」既CCTV1係點樣做到全國同步？
作者: frank817 時間: 2016-9-30 23:47
回覆 6# peter_chan
超詳盡解答， c hing真高手
話時話，「鬼影」係咩原因造成？
以前我讀過兩間小學，都係屋企附近、公屋群中既屋村街坊學校，o個個年代睇教育電視，仲可能係睇live，而兩間小學既電視畫面，鬼影都非常嚴重同明顯，但o係屋企(都係附近)又冇喎？
我一直唔知係乜野原因，會唔會係因為學校校舍明顯比附近公屋大廈矮，電視訊號經公屋群多次折射至入到校舍公天，而鬼影就係訊號多次折射而出現？
作者: polarhei 時間: 2016-9-30 23:55
回覆 18# frank817
訊號干擾, 基本上模擬系統見到咩就會出咩, 好似收音機噉.
作者: frank817 時間: 2016-10-1 00:08
回覆 frank817
我相信係因為資源問題(因為模擬台猶如獨立別墅, 解像度低), 加上有壞先例, 加上一堆投訴. ...
polarhei 發表於 2016-9-26 11:36 AM
講真，其實一D唔「快」，香港可能係先進國家地區當中，最遲有數碼電視廣播，又最遲停模擬既
部份歐洲國家2006,07年已經停模擬，香港要到2008年至叫做比較正式開始有數碼電視，而家亦可能係先進國家地區當中，唯一未停模擬既。
當然呢樣野就要「 多謝」o個個「不是我照顧香港，香港完蛋了」既天朝，仲有 _你個 _ _ _黎既喂。冇料扮四條，又要玩「自主研發」又遲遲冇野睇，當年大台都話用最普遍既歐洲DVB，係_你個 _ _ _黎既喂係死要等「自主研發」，奇在佢又有本事可以令大台陪佢癲，如果唔係天朝投到08奧運，「自主研發」都唔知仲要再等多(十)年。
作者: ~蜜蜂~ 時間: 2016-10-1 00:29
講真，其實一D唔「快」，香港可能係先進國家地區當中，最遲有數碼電視廣播，又最遲停模擬既
部份歐洲國 ...
frank817 發表於 2016-10-1 00:08
一路都覺得亞視死要用大陸制式的理由 on 居
>>亞洲電視當時則爭取採用中國的「國家制式」，認為它的50%市場來自中國，因此不希望使用歐制。
中國係唔會俾大陸人直接收看香港電視，係香港用大陸的傳送制式對所謂的中國市場有何用處 ?
可能亞視睇野好長遠望到去 2047 年之後，不過數碼廣播不到10年時間已經摺左。
作者: polarhei 時間: 2016-10-1 23:38
回覆 20# frank817
呢件事相信有人好早講. 因為軟件問題(199X年), 加上用戶需求下不了了之. 需要知道香港唔似日本搞呢啲研究(美國主要研究軟件, 日本有份參與制定). 最初只有衛星台. 但因為管理, 行政, 需求等先至加快. 內地主要係錢加國防問題, 經營者比政府更清楚開支, 環境. 畢竟由1984年到1997年, 行政混亂多, 因此不動. 如果唔係都唔會持續用老科技最少五拾年直至確定冇壞消息, 見到有譜, 有要求, 於是就起. 需知道採用DTMB係一個好大既賭注. 如果冇奧運, 基本上香港數碼廣播需要延後至2012年中.
作者: Brainstomer 時間: 2016-10-2 02:38
提示: 作者被禁止或刪除 內容自動屏蔽
作者: Brainstomer 時間: 2016-10-2 02:42
提示: 作者被禁止或刪除 內容自動屏蔽
作者: polarhei 時間: 2016-10-4 17:55
回覆 21# ~蜜蜂~
亞視當時有落地權. 為減少經營成本, 仲要確保日後接近無過濾, 不得不先考慮國標(如用歐規就好似東洋噉樣會被封). 我地唔會知道使用後會點樣. 但相信最低限度如果政策有改動, 都好快趣改好.