標題: 內地投行：華晶片業受美重擊 恐退回石器時代？ [打印本頁]

---

作者: alanh999    時間: 2022-10-10 06:51     標題: 內地投行：華晶片業受美重擊 恐退回石器時代？

China is the best!

---------------------------------------------------------------------------------------

https://hk.finance.yahoo.com/news/%E5%85%A7%E5%9C%B0%E6%8A%95%E8%A1%8C-%E8%8F%AF%E6%99%B6%E7%89%87%E6%A5%AD%E5%8F%97%E7%BE%8E%E9%87%8D%E6%93%8A-%E6%81%90%E9%80%80%E5%9B%9E%E7%9F%B3%E5%99%A8%E6%99%82%E4%BB%A3-110029619.html

【on.cc東網專訊】外媒報道，美國連續出手打壓中國半導體產業，內地投行看淡中國晶片夢，華興資本董事總經理吳思浩(SzeHo Ng)直言，中企已被打回石器時代(Stone Age)。

對於中國半導體產業，美國最新的措施旨在限制中國獲得尖端晶片、開發和維護超級電腦以及製造先進半導體的能力。

報道指，美國制裁華為兩年後，華為失去網絡設備及智慧型手機的地位。而目前，美國將用在華為身上的制裁工具擴展至中國晶片產業，晶片業將承受與華為一樣的痛苦。

諮詢公司Albright Stonebridge中國問題及技術專家Paul Triolo表示，美國新管制將席捲半導體及相關行業，料有企業面臨生存風險。Triolo表示，對於使用美國原產硬件部署AI演算法的中企影響深遠，尤其是自動駕駛汽車和物流、建立氣候變遷模型等領域。他認為，雖然全面影響需時浮現，但必定會衝擊中國和美國的創新，也會影響美企及消費者。

甚至有內地晶圓廠人員透露，最憂慮美國阻止該國公民任職中國半導體企業，此舉比限制購買設備還恐怖。他透露，公司內部確實有人持美國護照，且擔任重要職位，是公司核心人物，目前必須找到方法讓這些員工繼續任職。

---

作者: rabbit82047    時間: 2022-10-10 08:29

哦，又黎
已閱

話說某國，對某個盟友既海洋資產都敢搞，都唔需要懷疑佢有咩做唔出
果個國家既總統，最近仲講緊世界末日添
中國呢d小兒科啦，仲可以係石器時代咪算好囉

---

作者: louisfly    時間: 2022-10-10 11:31

中國係全球晶片最大買家, 你老美禁售晶片俾中國, 咁啲晶片賣俾火星人?

---

作者: 孤兒仔    時間: 2022-10-10 12:02

五毛手冊
入門招：不論主題, 只要是負面內容, 拉美國落水就足夠

---

作者: jimking332    時間: 2022-10-10 12:51

本帖最後由 jimking332 於 2022-10-10 13:05 編輯


佢老美唔係全部都唔賣比中國, 只係最高端個10%-20%唔賣姐, 其他中低端照賣. 不過你賣唔等如中國就要買, 多謝侵侵提醒, 中國過去幾年已開turbo追芯片, 目前中低端基本上能自給自足, 結果係點? 最近呢年大陸入口芯片大降, 同時中低芯片價格因此插水. 外國芯片廠一向靠食中低階芯個量同高階個margin, 宜家前者腰斬, 得返後者條水, 開始知瀨野, 但為左配合國策全方位打壓大陸, 根本無得say no.
至於淨返個10-20%高端野如果全面禁運, 大陸呢幾年都幾頭痕. 不過歐盟個邊受打仗影響, 能源價狂升情況下一樣死撐一樣生存到, 大陸點會唔得, 最多咪發展得慢D.
大陸頂尖人才過去廿年大多走晒去美國, 但近兩三年美國落閘, 好多想去都冇得去, 又或者覺得煩留係大陸發展算, 未來大陸人才估計冒升累積得好快. 冇錯, 大陸好多人借搞科技厄錢, 但十個只要有一個真心做野已經夠, 因為人口基數大. 大空站, 航母電彈, 核潛無軸泵呢D都靠自己搞到出黎, 幾十nm追到1nm只係時間問題. 當然你追人地一樣跑, 不過差距會越來越細咁解.

---

作者: rabbit82047    時間: 2022-10-10 13:51

回覆 5# jimking332


    Ching 咁好心機打篇長文覆呢類貼，道理由始至終都係一樣，我已經覆到無野好補充
基本就係睇美國點樣想要中國市場既同時但又要限制出口，係中間鈕鈕擰擰，自我矛盾

勉強補多個觀點，同美國無關，中國另一條路可以係新材料發力，即係第三代半導體材料，如氮化鎵，碳化矽
雖然呢類材料用係微型晶片仲係實驗室階段，但勝在起跑線一線相同，美國手頭都無野可以打壓到

---

作者: 一隻人    時間: 2022-10-10 17:55




例如另開新賽道先打通55NM高壓芯片

---

作者: TEKKHG    時間: 2022-10-10 18:08

提示: 作者被禁止或刪除 內容自動屏蔽

---

作者: rabbit82047    時間: 2022-10-10 22:53

回覆 7# 一隻人


    細聲d, 人地都玩緊 2nm, 55nm 太落後啦

---

作者: bobocar    時間: 2022-10-11 01:00

遊戲嗰啲 ..唔需要擔心 一定比入!

唔係點毒你班細路 ...一個二個只掛住打機 ..不是生產

---

作者: inone2    時間: 2022-10-11 08:57

回覆 3# louisfly

你知道大部份中國訂做的晶片是做甚麽用的嗎?？？ 手機晶片 —— 如華為海思！！ 你覺得５６億外國人不買中國造的手機，他們就不用買手機嗎?？？

美國佬唔係傻架，ＡＭＤ ＲＥＺＥＮ ７０００系CＰＵ，ＲＴＸ３０６０、３０７０、３０８０甚至３０９０ ＧＰＵ一定賣給你！！！

人家不賣的是 做超級電腦 同 模擬 風洞等高科技應用的A１００同H１００呀！！！ 你普通人會買嗎?？？

---

作者: skywalker167    時間: 2022-10-11 10:40

本帖最後由 skywalker167 於 2024-2-1 08:05 編輯

DELDELDELDEL

---

作者: waifile    時間: 2022-10-12 07:08

本帖最後由 waifile 於 2022-10-12 07:33 編輯


你係資料不足, 所以睇得唔夠深入, 過度樂觀啦.

美國已經改成有任何%的技術成份, 都不可提供給中共, 任何美國藉的公民都不可提供任何技術給中共, 而且是即時生效.
你知唔知中共在國內14nm及以上的低階晶片的生產線上的主要技術人員, 有大量的美國藉公民, 中共自己幾間的, 完全國家自資的最大晶片公司的老板, 幾乎全都是美藉華人, 拜登這次的制裁, 令他們需要立即停工和回國, 現時就有早就已訂好機器和正在組裝的, 在組裝途中就立即放下走人, 否則屬叛國罪, 會被全球制裁和終生不能回美國, 那些中共大晶片公司的老板, 他的家人和錢財都在美國.

你以為中共一直能生產14nm的生產線會沒事? 生產線上有大量重要的技術人員是美藉公民, 包括光刻機等等都不再提供技術支援, 而每一條生產線的儀器都是要廠家的專利專業的技術人員常註廠去調整的, 並非一次過設定好之後就可一直生產下去的.

就以台積電為例吧, 台積電是每週都要調整一次才能持續生產的, 最近台灣有地震, 台積電的机器完全沒坏, 但也必需400多家公司各自有其專利專業的供應商的技術人員, 去調整了一週才能再次生產, 台積電自己公司全部的兩千多個最頂級的技術人員, 是無法自己調整好, 無法生產的, 因為那是完全不同的專業技術.

目前中共的中低端晶片, 根本就不能自給自足, 100%自產既只佔國內所需既30%, 中共虛言既自給自足, 係將大量係國內和韓國合作既晶片廠, 都當成係中共的產品, 优先供應國內. 呢次拜登既新制裁會令到所有既韓國晶片廠要停工离開.



人口基數大係冇用既, 主要係中共大量欠缺最基本既培訓設施, 有人才但冇訓設施就天才都死, 天才都變成白痴, 並無人才累積可言.



十個中有幾多個真心做野都係無用既, 因為制度會將自己搞到欠扎實既基楚搞死自己.
資本主義既科技扎實, 在於一切都以商業形式運作, 因此除了政府自己之外, 還有更大量的民間人仕投入和研發, 當你看到一個科技行業成功之時, 其實背後已死了千万家投資失敗的公司.
中共的制度是政府投資, 所以進行投入研發的基數超級的少. 而且政府的投資是只追求別人已有的成果, 而不投資基楚設施, 民間企業更加是絕不投資基楚設施, (因為投資基楚設施是沒錢賺, 太虧為主的), 所以基數極低, 超難養培養出人才.



大空站, 航母電彈, 核潛無軸泵, 果D唔係中共自己搞到出黎架, 果D係西歐放水, 幫中共培訓, 容許中共收購技術, 同埋中共響西歐偷取技術, 所以至整得出, 但係依家西歐都禁晒, 而且中共依然係冇基楚設施, 就好似戰機咁, 中共都造得出, 但係個發動機都做唔到, 而實際上係要同蘇聯買, 如果蘇聯比個100%真既發動機設計圖比中共, 中共亦造唔出個發動機, 唔知唔點解? 因為冇基楚設施, 就好似美國既F35戰機係可以垂直升降既, 中共就做唔到, 中共有100%真既設計圖都做唔到, 只因為當中一片可移動既金屬片, 佢要在超高溫之下保持拉力同硬度, 就係呢點既基楚設施中共做唔到, 一架飛機或一條晶片生產線, 有成千上万個基楚設施係中共做唔到呢, 所以有100%真既F35設計圖, 亦做唔出個垂直升降發動機.

正因為拜登今次玩到咁大, 玩到咁絕, 所以內地投行言, 恐退回石器時代?

---

作者: VV    時間: 2022-10-12 08:39



陣間比人話偷返泥

---

作者: jimking332    時間: 2022-10-12 09:29

本帖最後由 jimking332 於 2022-10-12 09:33 編輯


唔洗陣間, 上邊個個已經急不及待話中國現有科技唔係偷就係回歐美付予, 仲話乜基楚建設都冇添. 事實係佢連中國宜家有而歐美冇既都唔知, 眼中只係負面野(你睇佢句句都中共就知有冇bias), 仲活係十幾廿年前世界...

---

作者: waifile    時間: 2022-10-12 09:36

本帖最後由 waifile 於 2022-10-12 09:47 編輯


唔好虛言虛語, 乜野技術係中國宜家有而歐美冇呢?
千其唔好話係量子衛星呀, 量子衛星會比西歐笑死架, 中共既量子衛星係西歐N年前就有既技術, 而且係1984年既技術, 西歐早已棄用既技術.

---

作者: jimking332    時間: 2022-10-12 09:56

本帖最後由 jimking332 於 2022-10-12 10:00 編輯


咁都比你睇穿添, 其實係冇架, 冇左歐美賦予, 中國唔係停滯不前就起碼倒退幾十年, Yeah~ 喂, 不如幫你call埋小鳯姐啦好冇?

---

作者: kcso1    時間: 2022-10-12 10:46

Yahoo是老美散播媒體毒害全世人。 ，聰明的會找不同媒體看，正反也看 ，不會看單一傳媒看和聽。 。

via HKEPC Reader for Android

---

作者: waifile    時間: 2022-10-12 11:29

本帖最後由 waifile 於 2022-10-12 11:31 編輯


虛言虛語係知識或能力低下在冇辨法之下既人既行為, 唔好用架.

另外, 告訴你, 量子衛星既項目領導負責人係潘建偉, 潘建偉是Anton Zeilinger量子教授的學生, 他買了那臺儀器學成回國再重做一次而已, 把那臺儀器放在衛星, 就告訴國人而說那是 "量子通訊", 但那是騙人的量子通訊, 它只是N年前各國就都已有的 "澈光通訊" 加上 "量子密匙加密", 那量子的作用是密匙, 它不能負責通訊, 而密匙的技術, 是用Charles Bennett和Gilles Brassard合作在1984年發明的BB84密匙協議技術.

你有沒去看過潘建偉的量子衛星通訊的論文報告? 在天上的量子衛星是一次性, 無法根據實驗的需要而調整更改硬件的, 而向地面站發射的激光會因太弱故, 白天不能用, 晚上有雲之時也不能用, 晚上沒雲但月光很亮時也不能用, 能用之時也不能持續超過30秒, 因為太陽能供應的電力有限30秒後要等第二天用陽光充電, 充滿電後又要再等衛星飛到指定的位置, 同時又要冇雲冇月光, 等, 等, 等, 等..... 所以西歐在N年前就知這結果, 知那種量子衛星是個浪費錢的廢物, 所以佢地唔會笨到帶上去衛星度玩燒錢.

潘建偉所用的各種測量儀, 接收器等等的這些基本儀器, 全是從歐洲買, 中共沒有的, 這些就是 "基楚的設施", 如果西歐不賣這些基楚設施儀器給中共, 潘建偉連各種測量儀和接收器都沒, 還研究個屁量子. 中共全國人民包括潘建偉, 也不懂怎生產那些各種的儀器, 因為那又是各種不同類學科的技術和專利的發明, 當連量子的基楚設施儀器都沒之時, 連潘建偉就都成為癈物了, 還談何基數大? 何來因基數大而培養出很多的人材呢?

了解了什麼是基楚設施了沒? 就如同原子筆頭的小圓珠, 這是很低級和普遍的基楚設施, 但中共至今就是做不出來, 歐美日在N年前就做出來了, 中共為什麼做不出來呢? 留學生可以去學啊, 為什麼至今還是做不出呢? 那是因為体制故, 那是因為沒人願去學, 因為那種不賺錢又沒名利沒前途的事, 正如量子方面會大把留學生去學, 因為那是高級和會有名有利有前途, 但沒人去學量子在各方面需要用的基楚儀器, 因為那是沒名利沒前途, 一年也可能賣不出兩台的東西, 所以根本不會有什麼大基數出人材的機會.

中共做不出筆頭的小圓珠, 並非在於材料, 而是沒有做出絕對性的圓的技術, 沒了這技術則飛機潛艇等等就永遠做不好, 因為那些都需要大量各種震絕對性的圓的滾珠, 才能達到高精度的轉動, 和超低震震, 超低噪音及超低的磨損度.

---

作者: jimking332    時間: 2022-10-12 11:55

本帖最後由 jimking332 於 2022-10-12 12:10 編輯


得啦, 中國做乜都廢, 滿意未?
我想講既係, 字多(重要係抄返黎)唔代表係事實架, 因為你既bias已經限制左你選擇接納既資料來源, 更影響左分析方向. 至於事實係點,  大家每隔三年/十年見証下囉, 唔係唔等得下話?

---

作者: rabbit82047    時間: 2022-10-12 13:58

今次措施封得好死，一定 work，呢句相信會令好多人高興

既然美國要求 0% ，咁中國市場就只能實現呢個 0%，去除美國相關設備甚至零件
以免郁下就制裁，你唔厭人都煩

---

作者: 掃馬想機    時間: 2022-10-12 14:36

本帖最後由 掃馬想機 於 2022-10-12 14:48 編輯

仲有RISC-V未封，仲有機

如果封埋就真正收皮

---

作者: HEIZE    時間: 2022-10-12 16:25

提示: 作者被禁止或刪除 內容自動屏蔽

---

作者: louisfly    時間: 2022-10-12 18:01

本帖最後由 louisfly 於 2022-10-12 10:04 編輯


話口未完你樓上....
哈哈, 一本正經的胡說八道, 真係日日都有笑話睇

---

作者: 史萊姆    時間: 2022-10-12 20:13

提示: 作者被禁止或刪除 內容自動屏蔽

---

作者: waifile    時間: 2022-10-13 13:23

本帖最後由 waifile 於 2022-10-13 20:57 編輯



觀察而認識事物, 和虛言虛語, 傻叫傻笑自欺係唔同既.

---

作者: alanh999    時間: 2022-10-13 14:18




    "聰明的會找不同媒體看" > E.g. Xinhua?

---

作者: 孤兒仔    時間: 2022-10-13 17:28



請施主把智慧分享給有緣人，裝睡的人是永遠叫不醒的。

---

作者: rabbit82047    時間: 2022-10-14 10:23

除左外國公司既美藉員工被要求停止服務
尋日華創都開始要求美藉員工停止參與研發

在華美藉員工, 突然變左磨芯, 返美國都未必有工作機會
因為美國晶片業突然被強制隔絕係中國市場之外

---

作者: wachtso    時間: 2022-10-15 12:05

美國搬石頭砸自己的脚
我信習主席一定能夠帶領中國晶片自煮燃發，5年內可以彎道超車。

利申，睇開文匯大公環球網

---

作者: marcochl    時間: 2022-10-15 12:31

回覆 29# rabbit82047

做晶片仲有台灣/韓國之類既，唔係得中或美
況且大陸請得返去做高管既點會係等閒之輩，佢地唔怕冇出路

---

作者: rabbit82047    時間: 2022-10-15 13:45



其實有唔少都係派駐員工，做技術支援
本身就係直接服務中國市場，依家市場突然無左，或者嚴重縮小，呢批人會係被裁既首要目標

高級果班當然去邊都唔愁出路，但依家兵荒馬亂
其他公司一定忙緊計數，睇下有咩可以供應俾中國，邊d唔得
如果計完數發現原來係產能過剩，就要縮減經營

總之今次美國掉個重磅炸彈，市場一時三刻都唔會恢復正常

---

作者: louisfly    時間: 2022-10-15 15:47



尋日中國半導體股價反而大升, 美國的大跌!

---

作者: madgod1213    時間: 2022-10-16 06:50


因為大陸基本能自產晶片,  中蕊都做到7nm囉, 本來成本因素未必會量產倒, 依家變相冇外國貨競爭+政府補貼, 其實變相美國政府幫左一把

---

作者: 掃馬想機    時間: 2022-10-16 10:29



中國又贏了

---

作者: kklaw286    時間: 2022-10-16 22:58

回覆 34# madgod1213
中國夢又贏

---

作者: rabbit82047    時間: 2022-10-16 23:31




    中芯既7nm唔需要有期望，重點仍然係整體國產化既28nm，係咪可以係短時間內完成
都係一句，美國唔出口高階晶片到中國，唔代表中國呢個市場就唔存在，美國唔要就會有其他供應商想要

最近睇到一個新觀點，幾得意，就係中國成立一個基金，以人民幣作為結算貨幣
所有因為美國制裁而造成專利唔可以正常授權，就向呢個基金注入資金，然後係中國合法使用果項專利技術
以後果項專利持有人係美國制裁放寬或者取消之後，就可以透過呢個基金支付期間既專利費用，當然係以人民幣支付
想法幾新㯋，而且有一定合理性，因為依家係美國阻絕中國合理取得專利授權，而唔係中國唔尊守專利持有人既權利

當然咁亦要睇美國之外既其他國家會唔會認同咁樣既做法，因為咁做基本就係挑戰緊現有既專利機制
中國最終未必咁做，不過想法幾有趣，所以係度提一提

---

作者: allen05073003    時間: 2022-10-17 08:20


真，返去人地都當左佢叛國
無人請，怕佢偷野。

via HKEPC Reader for Android

---

作者: 一隻人    時間: 2022-10-17 08:43




口嗨一下和美國參議員盧比奧提議阻止華為和被制裁公司在美收專利費性質還是不一樣的
我當時看到有這樣的腦殘議員時還在想還有這種好事?
可惜華爾街清醒的人還是比白痴多
最後不了了之了

---

作者: 321    時間: 2022-10-17 22:25

回覆 3# louisfly

你知唔知全球呢幾年晶片荒幾嚴重？無左中國買，市場都會即刻吸收曬D產能

---

作者: benz    時間: 2022-10-18 01:00



好文, 多謝分享, 其實過多一兩年就知中國做唔做到28nm或以下芯片
好多時係大家睇既資訊唔同, 同睇完D資訊相唔相信, 所以結果可以係相反
但原子筆頭的小圓珠, 無記錯好似幾年前中國已經做到

---

作者: beggar2022    時間: 2022-10-18 09:51

提示: 作者被禁止或刪除 內容自動屏蔽